Поиск

sft. 1. Yer yuziga oid, butun Yer sharini qamrab oluvchi.

Biroq, bizningcha, dasturning global gʻoyasi shundaki, u yangi asrda respublikaning ijtimoiy-iqtisodiy taraqqiyotida sezilarli sakrash boʻlishi uchun asosiy omil boʻlishi mumkin. — Gazetadan

2. koʻchma Umumbashariy, keng miqyosdagi; jahonshumul, jahon ahamiyatiga molik.

Global muammolar.

Aytish mumkinki, bu voqea xavfli qurollanish poygasiga turtki berib, nafaqat mintaqaviy, balki yana global oqibatlarga olib kelishi mumkin. — Gazetadan

ot Jahondagi mamlakatlarning ijtimoiy-iqtisodiy, siyosiy va madaniy sohada oʻzaro yaqinlashuvi, birlashuvi; voqea-hodisalarning bir mamlakat doirasidan chiqib, umuminsoniy miqyosga eta boʻlishi, butun Yer sharini qamrab olishi.

Oʻzbekistonning jahon xoʻjaligiga globallashuvi, birinchi tomondan, iqtisodiy muammolarni jahon xoʻjaligi bilan hamkorlikda yechish va jahon xoʻjaligiga bevosita chiqishga imkoniyat yaratsa, ikkinchi tomondan, Oʻzbekiston eshiklari butun dunyo uchun ochiladi. — Gazetadan

Tarmoqda ishlatiladigan manzil turlaridan biri. Global manzil maʼlumotlar bloki, xabar yoki signal barcha obyektlar uchun moʻljallanganini koʻrsatadi. Tarmoqda global manzillar ishlatilganda tarmoqda keng qamrovli eshittirish bajariladi. Shuningdek, tarmoqda guruhli manzil (maʼlumotlar bloki moʻljallangan obyektlar toʻplamini aniqlaydi) va noyob manzil (tarmoqda faqat bitta obyektni ajratadi) ishlatiladi.английскийglobal addressрусскийглобальный адрес

Bir necha mamlakatlarda joylashgan va hududiy tarmoqlarni birlashtirib yaratilgan tarmoq. U koʻp sonli foydalanuvchilarga tarmoq xizmatlarini va resurslarini taqdim qilish maqsadida yaratiladi. Oʻzining katta oʻlchamlari tufayli har bir global tarmoq oʻz foydalanuvchilariga minglab maʼlumotlar bazalarini, qitʼalararo elektron pochtani, amalda ixtiyoriy mutaxassislik boʻyicha taʼlim olishni taqdim etadi. Bunday tarmoqqa misol Internetdir. Shu bilan birga, kompaniyaning turli mamlakatlarda joylashgan filiallarini birlashtiruvchi global korporativ tarmoqlar ham farqlanadi.английскийglobal networkрусскийглобальная сеть

Internet tarmogʻining maʼlumotlar bazalaridan foydalanishning gipermuhitini yaratuvchi tarmoq xizmati. CERNdagi Tim Berners-Li tomonidan ishlab chiqilgan. Uning asosiy gʻoyasi, choʻqqilari hujjatlar boʻlgan, hujjatlardagi soʻzlar va jumlalar ularning oʻzaro aloqasini aniqlaydigan katta grafni yaratishdadir. Natijada, hujjatlar koʻpsonli serverlarning maʼlumotlar bazalarida joylashadi va ularning assotsiativ aloqalari Internetda bir birini kesib oʻtgan murojaatlar turini hosil qiladi. Veb uchun standartlarni W3C konsorsiumi ishlab chiqadi. Global ulanish xizmati yangiliklar haqida xabar beradi, fan, sanʼat, texnika, ishlab chiqarish va savdoga tegishli turli sohalar boʻyicha maʼlumotlar beradi. Bundan tashqari u, mahsulot va turli shaxslar tomonidan taqdim qilinayotgan xizmat turlari reklamasini taʼminlaydi. Vebni tashkil qiluvchilarga quyidagilar kiradi: gipermatnli uzatish protokoli; gipermatnli markerlash tili; koʻrib chiqish muharriri - brauzer; veb-serveri; veb-sahifasi. Vebda axborotni topish uchun izlash serverlari ishlatiladi.английскийglobal connectionрусскийглобальное соединение

ot Jahon iqtisodiy, siyosiy, madaniy va diniy integratsiyalashuv va birlashuv jarayoni; globallashuv.