Поиск

taql. s. Suyuqlikni yutayotganda, tomoqda hosil boʻladigan tovushni bildiradi.

Suvni gʻilt etib yutmoq.

ayn. Gʻilt.

fl. 1. Javdirab, yalingan, yalingansimon holatli boʻlmoq.

Yana quyasizmi? deganday xoʻjayiniga gʻiltillab qarab qoʻyardi. — K. Yashin, Hamza

Raislarga maza. Koʻzlari hasaddan gʻiltilladi. — S. Nurov, Narvon

2. Yilt-yilt, moʻlt-moʻlt qilmoq (koʻz yoshi haqida).

Qizcha boʻlsa, gʻiltillab turgan yoshlarini duv toʻkib, yana koʻzini ochdi. — Oydin, Bolalik uyda gʻiybat yoʻq

Otamurod, ona koʻzlarida gʻiltillagan yoshni koʻrgan zahotiyoq, bu ishning bitmasligini sezdi. — M. Mansurov, Yombi

Uning oʻziga ham,Sattorga ham rahmi kelib, koʻzlarida birdan yosh gʻiltilladi. — P. Qodirov, Erk

fl. Gʻiltillamoq feʼlining orttirma nisbati.

sft. 1. Oqibatini oʻylamay ish qiladigan, yengil tabiat.

Yengiltak kishi.

Mehnatkash xotin oʻzini ishga urdi, yengiltak Oʻrinboy esa alamiga chidolmay, ichib kela boshladi. — S. Nurov, Yangicha toʻylar muborak

2. Odobsiz, axloqsiz, suyugʻoyoq.

U [Fuod afandi] Hoji xola singari yengiltak qiz-juvonlarni axtarar edi. — M. Ismoiliy, Fargʻona tong otguncha

Oʻz umrini xazon qilgan, bir yengiltak ayolni xotinidan afzal koʻrgan bu yigit kim oʻzi? — Gazetadan

fl. Egilmoq feʼlining orttirma nisbati.