Поиск

ot 1. sft. kam qoʻll. Noxush, dilgir (kayfiyat, ruhiyatga nisbatan).

Ularning boʻlimlarida sitamgar gʻash kayfiyat hukmron. — F. Musajonov, Himmat

Oydin kechada bu xunuk ovoz uning gʻash koʻnglini tirnab oʻtganday boʻldi. — A. Muxtor, Qoraqalpoq qissasi

2. ayn . gʻashlik 1.

Oradan bir necha oy oʻtgan boʻlsa ham, Rohatbibi koʻnglidagi gʻash yozilmadi Gʻulom, — Mashʼal

3. Gʻishgʻisha qilaveradigan; injiq (bolalar haqida).

Kichik oʻgʻli juda gʻash boʻlgan.

ot Biror narsadan olinadigan zavq; nashʼu namo.

Baʼzida esa dala shiyponida yotib qolardim. Bunday uxlashning oʻziga yarasha gashti boʻladi. — O. Yoqubov, Tilla uzuk.

Farzandga ish buyurishning otalik gashti boʻladi. — T. Murod, Qoʻshiq.

ot ayn. Yuvgʻuchi.

Ikkovimiz ham yangi havaskor gʻassol boʻlganimiz uchun, qizishib ketib, [oʻlikni] uch martagina emas, 10-15 marta chayqab yubordik. — Gʻ. Gʻulom, Shum bola

[Uyga] Soʻfi, undan keyin gʻassol, undan keyin yana bir necha xudojoʻy kishilar kelishdi. — Mirmuhsin, Gʻurbatdagi odam

ot Ruhiyatdagi dilgir, gʻash holat; noxush, dilgir tuygʻu, taʼbi xiralik.

Kundoshlik — koʻngil gʻashlik. — Maqol

Bashirjonning diliga gʻashlik oraladi. Askar Bakirovichning ovozidan kayfiyati yaxshi emasligi sezilib turardi. — N. Aminov, Qahqaha

Nega, mening dilim, titraysan nechun, Nechun yuragimni tirnaysan, gʻashlik? — A. Oripov, Yillar armoni

ot ayn. Gap II.

Oʻz nonim bor, oʻz toʻshagim, bolishim, Oʻz qishlogʻim, oʻz gashtagim, joʻram bor. — Mirtemir.

sft. Zavq-shavq beradigan, nashʼu namoli, zavqli.

Bu oqshom, Nizomiddinovning nazarida, shu paytgacha koʻrgan oqshomlari ichida eng goʻzali, eng gashtlisi edi. — S. Ahmad, Hukm