Қидирув

от 1. Бир турдаги қуш, ҳайвон-жониворлар тўдаси.

[Ботирали] Шарпага ортиқ парво қилмай, қушлар галасини завқ билан томоша қила бошлади. — Ҳ. Ғулом, Машъал

Қушлар галаси безовталаниб, дарс томонга тез учиб ўтди. — Назармат, Жўрлар баланд сайрайди

2. Бир тўда одам, оломон.

Қизлар галасини кўрган Бозоров от бошини ўша ёққа бурди. — И. Раҳим, Чин муҳаббат

Анча йиғилишиб келибди гала баччалар. — Юсуф ва Аҳмад

от 1. Жанг ёки беллашув (кураш)да қозонилган (эришилган) муваффақият; зафар.

Ҳирот дарвозалари тепасида карнай-у сурнай, ноғоралар авж қилди; султон Шоҳрух мирзо лашкари ғалаба билан қайтиб келди. — Мирмуҳсин, Меъмор

Уруш ҳам тугар, ғалаба дамлари ҳам етиб келар — Т. Рустамов, Мангу жасорат

Баҳсларда тошкентлик ёш чарм қўлқоп усталари энг кўп ғалабага эришиб, биринчи ўринни қўлга киритдилар. — Газетадан

2. Иш-фаолият, мақсад ёʻлида эришилган муваффақият, яхши натижа; ютуқ.

Ўзбекистон оқсоқоли Ёʻлдош Охунбобоев халқ ҳашарида қатнашган барча қурувчиларни катта ғалаба билан табриклади. Ўзбекистон қўриқлари. Баҳор бизни яна янги меҳнатга, ижодга, янги кураш ва янги ғалабага чорламоқда. — Саодат

сфт. 1. Одатдаги, ҳаммага маълум бўлганидан бошқача; қизиқ.

Сизларда қандай — билмадим-у, аммо биз тарафларда келин-тушди жуда ғалати бўлади. — С. Сиёев, Ёруғлик

Сиз ғалати одам экансиз-ку, соғлиқни сақлаш керак. — С. Аҳмад, Лаъли Бадахшон

хатдан бошини кўтармай: — Ғалати ёʻтал чиқазибсизми, Тўлаган ака, — деди. А. Қаҳҳор, — Қўшчинор чироқлари

2. Нималиги аниқ бўлмаган, англаб бўлмайдиган; тайинсиз.

Врач чиқиб кетгандан кейин кўнглини ғалатиликми, ноаниқликми, иш-қилиб, ғалати бир туйғу қамраб олди. — Ў. Усмонов, Сирли соҳил

Жилмаймоқчи бўлган эди, унинг ўрнига юзида ғалати бир ифода пайдо бўлди. — С. Зуннунова, Олов

3. Ўз табиий ҳолатини ўзгартган, алла-нечук бир ҳолатли.

Нега ғалатисан, Витя. Рангларинг қув ўчган-а. Ё қорнинг очдими? — Р. Файзий, Сен етим эмассан

Ногоҳ Собирнинг кўзи уларга тушиб, ғалати бўлиб кетди. — М. Мансуров, Ёмби

4. Жуда қойил; ажойиб.

Ойимчалардан ғалатисини топиб, гашт қиламиз. — Ойбек, Танланган асарлар

Сен тўғрингда бир ғалати очерк ёзмоқчиман. — С. Аҳмад, Уфқ

Албатта ит боқинг. Ўзим ғалатисини топиб бераман. — С. Аҳмад, Сайланма

от 1. Омборда ғалла (дон, ун) сақлаш учун атрофи ўралган жой.

Тўхта охун ошхона эшигининг чап биқинидаги сўрида, каттакон ғаладон ёнида ўтирарди. — М. Исмоилий, Фарғона тонг отгунча.

2. Стол, жавон ва шу кабиларнинг нарса солиб қўйиладиган тортмаси, яшиги.

Китоб жавонининг пастки ғаладонига доим энг керакли ҳужжатларини қўярди. — Д. Нурий, Осмон устуни

Профессор стол ғаладонидан газета олиб, иккала аёлнинг тумшуғи тагида силкитди. — Ж. Абдуллахонов, Орият

3. Пул ёки майда буюмлар сақлаш учун хизмат қиладиган яшик, қутича.

Ғаладонни ҳисоблаб кўрсам, олти танга бир мири бўпти. — Ғ. Ғулом, Шум бола

от Кишилар муносабатига, унинг ҳолатига рахна солувчи; ғийбат, фитна юритувчи.

Бировнинг кўкарганини кўра олмайдиган ғаламисга ўхшайди. — С. Нуров, Нарвон

Бироқ Шайх ака бундай ғаламислардан устун келди, у яна қизғин ижодий фаолиятга шўнғиб кетди. — Фан ва турмуш

Бироқ республикамизда ҳам, унинг ташқарисида ҳам халқимизни камситувчи, ҳатто, ўзбеклар иши, деб айюҳаннос солувчи ғаламислар ҳам учраб қолди. — Муштум

от 1. Норозилик ҳаракати; исён, қўзғолон.

Суворий казаклар кимдандир дарак топиб, ғалаённи бостиргани келишган эди. С. — Сиёев, Аваз

Амир амалдорлари халқ ғалаёнидан чўчиб, шоирни киши кўзидан нарида, Қабодиён чўлларида ўлдиришган. — Газетадан

Бутун Туркистон ўлкасида ғалаёнлар авж олиб кетди. Фарғона водийсида қўзғолон дастлаб Қўқон уездининг Қайнар волостидан бошланди. — К. Яшин, Ҳамза

2. кўчма Табиат, унинг ҳодисалари, шунингдек, киши ички дунёсидаги туғён, жўш уриш.

Бу хазина мазмунида табиат ғалаёнларига қарши кураш борлигини ифтихор билан тилга оламиз. — Газетадан

Бўрон тоғлар устида, водийда ўзининг қудратли ғалаёнини бошлайди. — Ш. Рашидов, Бўрондан кучли

Муҳаббатнинг кўзига кўзи тушганда, вужудида уйғонган ҳислар ғалаёнини аниқ эслади. — С. Анорбоев, Оқсой

Идрокинг мавжига текканинг замон, У мудроқ руҳингга солгай ғалаён. — А. Орипов, Йиллар армони