фл. 1. Жавдираб, ялинган, ялингансимон ҳолатли бўлмоқ.
Яна қуясизми? дегандай хўжайинига ғилтиллаб қараб қўярди. — К. Яшин, Ҳамза
Раисларга маза. Кўзлари ҳасаддан ғилтиллади. — С. Нуров, Нарвон
2. Йилт-йилт, мўлт-мўлт қилмоқ (кўз ёши ҳақида).
Қизча бўлса, ғилтиллаб турган ёшларини дув тўкиб, яна кўзини очди. — Ойдин, Болалик уйда ғийбат ёʻқ
Отамурод, она кўзларида ғилтиллаган ёшни кўрган заҳотиёқ, бу ишнинг битмаслигини сезди. — М. Мансуров, Ёмби
Унинг ўзига ҳам,Сатторга ҳам раҳми келиб, кўзларида бирдан ёш ғилтиллади. — П. Қодиров, Эрк