1. Сувга чўккан, сув қаърига ботган.
Яхши билан ёмон ўртаси фарқдир, Буни билмаганлар дарёга ғарқдир. — Газетадан
2. кўчма Бирор нарсага кўмилиб кетган; бурканган, чўмган ҳолатли (ҳолатда).
Тоқи заргарон остидан чарчоқ, пала-партиш хаёлларга ғарқ ўтиб бораркан, ён томондан дўриллаган овоз эшитилди. — Н. Аминов, Қаҳқаҳа
Гўё борлиқ тинч ва осойишта дамларнинг лаззатига ғарқ. — Ж. Абдуллахонов, Тўфон
3. Ўзи боғланиб келган сўз (сўз бирикмаси) англатган ҳаракат-ҳолатнинг тўла-тўкис, бутунлай юз беришини, юз берган ҳолатини билдиради.
Рисолат отин кўкариб кетган эрини кўриб қайноқ новвот чой тайёрлаб, босиб-босиб ичирди. Қўлдош отанинг бадани илиб, ғарқ терлади. — Ҳ. Ғулом, Тошкентликлар
Улоққа ташланганларнинг ўзлариям, отлариям хиёл ўтмай ғарқ терга ботди. — Т. Мурод, От кишнаган оқшом
Узумлар ғарқ пишган, новдаларда олтинланиб, одам кўнглини маст этади. — Б. Барот, Соҳибкорлар
Ҳозир айни ғарқ пишиқчилик пайти. — Газетадан
- Ғарқ бўлмоқ 1. Чўкмоқ, сув қаърига кирмоқ. Икки кеманинг бошини тутган ғарқ бўлар. Мақол Омон қоламан десанг, қирғоққа чиқ! Чиқмасанг, баринг дарёга ғарқ бўласан/Ж. Шарипов, Хоразм; Бутунлай ипак-атласларга ғарқ бўлган Холжон хола бўйи баробар катта бир ойнага қараб, ўзини томоша қилди. Ғайратий, Довдираш Чуқур хаёлга ғарқ бўлиб ўтирган Зулфизар бир чўчиб тушди. К. Яшин, Ҳамза