Qidiruv

ot 1. mat. Erkin oʻzgaruvchi miqdor (argument)ning oʻzgarishiga qarab oʻzgarib turadigan, bogʻliq(tobe) oʻzgaruvchan miqdor.

Oʻtkir burchakning trigonometrik funksiyalari. Funksiyalar nazariyasi.

Bitta funksiyaning oʻzi turli xil formulalar bilan ifodalanishi ham mumkin. — OʻzME

2. biol. Biror aʼzo yoki organizmning ishlab turishi, faoliyati.

Yurakning funksiyasi.

Odam oʻz organizmining tuzilishi va funksiyalari toʻgʻrisidagi bilimlarga ega boʻlishi muhim. — Odam anatomiyasi va fiziologiyasi

3. koʻchma Biror ijtimoiy tashkilot, kimsa yoki narsaning ish, faoliyat doirasi; vazifasi.

Bu ishni bajarish mening funksiyamga kirmaydi.

Ona obrazining boshqa bir gʻoyaviy-estetik funksiyasini ham unutmaslik kerak. — U. Normatov, Talant tarbiyasi

sft. 1. Funksiyaga oid; vazifaga aloqador; vazifaviy.

Funksional bogʻlanish. Funksional tahlil. Tilning funksional doirasi. Funksional uslublar.

Har bir funksional uslub ijtimoiy faoliyatning maʼlum sohalaridan biriga xizmat qiladi. — UTA

2. Biror narsaning tuzilishiga emas, balki faoliyatiga, xizmatiga, vazifasiga bogʻliq boʻlgan.

Mehnatning funksional taqsimoti. Yurakning funksional kasalligi.

Yechilayotgan vazifaning aniq qismini bajarayotgan qurilma yoki dastur. Axborot tarmoqlarining arxitekturasida, protokolni amalga oshiradigan va kerakli xizmatlarni taʼminlaydigan funksional blok tushunchasi muhim ahamiyatga ega. Funksional blok algoritm bilan tavsiflanadi. Algoritm, maʼlumotlarga ishlov berish, ularni saqlash yoki uzatish bilan bogʻliq jarayonlarni belgilab beradi.inglizchafunctional unitruschaфункциональный блок

Aniq doiradagi maʼlumotlarga ishlov berish va ularni uzatish vazifalariga moʻljallangan oʻzaro bogʻlangan protokollar shajarasi. ISO va XTI hujjatlarida tarmoq xizmatlarining keng koʻlami belgilangan, bu koʻlam hamon kengaymoqda. Oʻzaro ishlash sohasining yettita pogʻonasiga tegishli qator standartlar chiqarilgan. Bundan tashqari, ishlab chiqaruvchilar oʻzlarining standartlarini ishlatishlari va ularning oʻzaro ishlash sohasiga birlashtirishlari mumkin. Barcha standartlarni amalga oshirish mumkin emas, balki bunga zarurat ham yoʻqdir. Shu sababli, yuzaga kelayotgan masalalarni yechish uchun tarmoq xizmatlari va ularni belgilaydigan standartlar toʻplami tanlab olinadi. Natijada, funksional profillar yaratiladi. Funksional platformalarning xilma xil turlari mavjud. Ishlatilayotgan oʻzaro ishlash sohasi pogʻonalariga qarab, toʻla funksional profillar, chala funksional profillar va asosiy funksional profillar farqlanadi. Turli xildagi protokollar yigʻmasi ishlatilishi munosabati bilan, koʻpsh tabelli profillar tobora keng tarqalmoqda.inglizchafunctional profileruschaфункциональный профиль

Foydalanuvchining grafik interfeysidagi interaktiv funksiya. Bosqichma-bosqich bajariladigan operatsiyani (masalan, dasturni oʻrnatish) ketma-ket oʻzgarib turadigan dialog oynalar yordamida bajarish. Baʼzida bu kabi interfeyslar druid, djin yoki assistent deb nomlanadi. Funksiyalar ustasi qurilgan tizim utiliti sifatida birinchi bor Microsoft Windows 95 operatsion tizimida foydalanilgan.inglizchawizardruschaмастер функции

Avtomatlashtirilgan tizimning bir yoki bir necha, bir biriga yaqin vazifalarni amalga oshiruvchi tarkibiy qismi.inglizchafunctional subsystemruschaфункциональная подсистема