Поиск

ot 1. Birovning orqasidan yomonlab tarqatilgan uydirma gap-soʻz; gʻiybat, igʻvo.

[ Qodirov bilan Sultonov] Daʼvolarini isbot qilish uchun dalil topolmay, endi fisq, tuhmat, igʻvo yoʻliga qadam bosganlar. — Sh. Rashidov, Boʻrondan kuchli

2. Axloqiy buzuqlik, fahsh.

Kecha fisq oʻlsa, kunduz zulm pesha.

Tish-u tirnogʻi qayralgan hamisha. — Habibiy

Haqiqatgoʻylar oyoq ostida, Moʻtabar boʻldi fisq-u korimiz. — Hamza

ot Biror kimsa toʻgʻrisida tarqatilgan uydirma gap; tuhmat, boʻhton.

Ulugʻbekning ilm bilan shugʻullanishini ruhoniylar dahriylikka yoʻyib, unga qarshi fisq-fasod uyushtirdilar. — Fan va turmush

Hojar xolaning muomalasidan ham igʻvo, fisq-fasod anqib turadi. — Yu. Shomansur, Qora marvarid

ot ayn.

Saroyning fisq-u fujurga, razolatga toʻla rutubatli havosi-yu marmar hovuzlardagi salqini — barcha-barchasi oʻtmishga chekindi. — S. Siyoyev, Avaz

Nosharʼiy, gunoh ishlar, axloqiy buzuqliklar; fahsh.

Fisq-fujur, may yolgʻiz Husayn Boyqaroning gavdasiga emas, balki butun maʼnaviy siymosiga ham taʼsir etgan edi. — Oybek, Navoiy

ot Yolgʻon-yashiq gaplarni tarqatuvchi, gʻiybatchi; igʻvogar; boʻhtonchi.