Поиск

ot Kishini qasddan adashtirish, qoʻlga tushirish, aldash; hiyla-nayrang, makr.

Ishing firib, hiyla ekan soʻzlaring, Yuzing konsiz, ola ekan koʻzlaring. — Ravshan

Uning chakchayganroq koʻzlarida muallim qandaydir shaytoniy firib va nafrat sezdi-da, alamdan qaltirab, devorga suyandi. — Oybek, Nur qidirib

ot 1. Yuridik shaxs huquqlaridan foydalanuvchi xoʻjalik, sanoat yoki tijorat korxonasi (kompaniyasi).

Margʻilon “Atlas“ firmasi. Dizil tong firmasi.

Ikkinchisi, chet ellardagi ilgʻor firmalar bilan aloqa bogʻlamagan bironta ham korxona boʻlmasligi lozim. — Gazetadan

2. s.t. sft. Yuqori sifatli mahsulot tayyorlaydigan yoki xizmat koʻrsatadigan.

Jizzaxdagi plastmassa zavodining yangi firma magazinidan xarid qilingan chashka qoʻlingizdan tushib ketsa ham sinmaydi. — Gazetadan

ot 1. Eng yaqin, sevimli kishidan judo boʻlish, ayrilish va bu tufayli tortiladigan ruhiy azob; ayriliq, judolik, hijron.

Mardni oʻldirar firoq, Nomarddan nomus yiroq. — Maqol

Qaysi dildor oʻz yoriga firoq iztirobini ravo koʻradi. — M. Joʻra, Iztirob

Volidamiz bedom-darak ketgan ikki oʻgʻlining firoqida kuyib, yotib qolibdilar. — A. Qahhor, Qoʻshchinor chiroqlari

2. Injiqlik, erkalik; tantiqlik, noz-u istigʻno.

Toʻfaxon, firoq bilan qosh chimirib, bilganingiz deganday yelka uchirib qoʻydi. — H. Nazir, Koʻkterak shabadasi

U ham sal narsaga zarda, firoq qiladigan boʻlib qoldi. — Mushtum

3. Jahl, zarda.

Xadicha xola firoq qilib, uyga kirib ketdi. — T. Alimov, Sovgʻa

— Iye, ha, firogʻing kimga, hazil ham qilib boʻlmaydimi yoki arpangizni xom oʻrib qoʻydikmi? — dedi Shahlo Zuhraga. — R. Fayziy, Dugonalar

ot 1. esk. 1 Maqsadi, gʻoyasi, dunyoqarashining mushtarakligi jihatidan birlashgan kishilar guruhi; guruh, toʻda.

Musulmonqul kutmagan joyda qoʻshinidan bir turkumi oʻz ustiga hujum boshlab va bir firqasi Toshkent yigitlari tomoniga qochib oʻtdi. — A. Qodiriy, Oʻtgan kunlar

2. ayn. Partiya I.

Agar shunday qilsang, firqasining siyosatini buzib oʻtgan boʻlasan. — S. Ahmad, Hukm

ot ayn. Feruz 1-3.

ot tar. Qadimgi Misr podshohlarining unvoni, faxriy nomi.

Misrni bilasizmi, Eski Misrni? Shunda firʼavnlarning ehromlari bor. — Gʻ, Gʻulom

Firʼavnlar, shahanshohlar ketdilar ham yoʻq boʻlib, Nigohlarni to bu chogʻlar yondirasan choʻgʻ boʻlib. — E. Vohidov, Sharqiy qirgʻoq