Қидирув

от 1. Бир жойнинг одамлари, аҳолиси, халқи; умуман, кўпчилик одам, халойиқ, ҳамма.

У эрининг қилмишидан эл олдида бошини хеш қилиб юрарди. — Т. Ашуров, Оқ от

Одамларнинг кўз ёшидан, қаҳридан қўрқмай, эл отаси бўлиб юрганингизга ёқа ушлайман, тақсир. — С. Сиёев, Ёруғлик

2. Бир юртга, қабилага мансуб одамлар; миллат, халқ.

Қипчоқ эли. Манғит эли. Қардош эллар.

Шифокорлик касбини улуғлаш, элга сидқидилдан хизмат қилиш, кишиларнинг дардига даво топиш олийжаноб ишдир. — Газетадан

3. Юрт, диёр, мамлакат.

Чет эллар. Ҳар ким элида, ўрдак кўлида. — Мақол

Баҳор келди элимизга, Яшил тўн кийди дала. — И. Муслим.

Шу пайт хаёл узоқларга, она элимга олиб кетди. — Т. Рустамов, Мангу жасорат

Яшил элларга томон учиб кетди қушчалар. — А. Орипов

сон Рақами ва шу рақам билан ифодаланган сон, миқдор.

Эллик яшар одам. Эллик гектар ер. Оғирлиги эллик килограмм келадиган юк. Беш карра ўн эллик бўлади. Элакка чиққан хотиннинг эллик оғиз гапи бор. — Мақол

от мат. Конус ёки силиндрни унинг ўқига қия бўлган текислик билан қирққанда ҳосил бўладиган ёпиқ эгри чизиқ ва шундай шаклдаги нарса.

Тажриба жараёнида Кеплерда, сайёраларнинг орбитаси эллипс шаклидан иборат, деган доҳиёна фараз туғилди. — Фан ва турмуш

сон Эллик сонидан миқдор сони.

от тлш. Нутқ элементининг тушиб қолиши; эллипсис нутқда турли мақсадларда (масалан, ихчамлик талаби билан) юз беради. Масалан, Яхшилар кўпайсин, ёмон қолмасин гапида одам сўзи эллипсисга учраган.

сфт. Эллипсга оид; эллипс шаклидаги.

Эллиптик шакл. Эллиптик орбита.