Qidiruv

ot 1. Boʻyi baland, yoʻgʻon va baquvvat.

Bir kun, kech kiray deganda, tugun koʻtargan, dov, yelkador yigit bilan paranji yopingan ayolni ergashtirib kirdilar. — Y. Shamsharov, Toshqin

Uning Muhammad Sayidning yagʻrinli, quloch koʻkrakli, butun dov jussasidan quvvat barq urardi. — Oybek, Navoiy

Meliqoʻzi piq etib kulib yubordi. Keyin oʻrnidan turib, dov qaddini rostladi. — I. Shamsharov, Dovrugʻ

2. koʻchma Jurʼat, botinish; dadillik.

3. Oʻz haq-huquqini tasdiqlash yoki qondirish haqidagi talab, daʼvo, tortishuv.

Yomon yoʻldosh yov boʻladi. Oxir ishi dov boʻladi. — Maqol

Botir yovda bilinar, soʻzchi — dovda. — Maqol

Kambagʻalning ovi yurmas, ovi yursa ham, dovi yurmas. — Maqol

Shahzoda! Ayt, menga qanday doving bor? — O, senga dovim juda koʻp — K. Yashin, Hamza

ot 1. Togʻ yoki tepalikning baland, ammo oshib oʻtsa boʻladigan qulay joyi; oshuv.

Qashqar dovoni. Arpasiz ot dovon osholmas. — Maqol

Donoga ergashgan dovondan oshar. — Maqol

Bu vaqt ular Qoraqargʻa degan dovondan oshib, koʻz ilgʻamas, keng, tekis yaylovga chiqdilar. A. — Muxtor, Asarlar

Dovonning beliga chiqquncha Muxammad Sharif ham, eshak ham holdan toydi. — Q. Mirzo, Olam goʻzal

2. koʻchma Keyingi ish va yutuqlarga yoʻl ochib beradigan ulkan ish; erishilgan yoki erishilajak qiyin marra.

Oila qurish naqadar yuksak dovon ekanini Mahkam endi birinchi marta., his qilmoqda edi. — P. Qodirov, Uch ildiz

Mavsumning dastlabki dovoni ortda qoldi. — Gazetadan

3. koʻchma Xayoliy, ruhiy marra, maqsad, intilish.

Ey koʻnglim, olamdan suyunchi soʻra, Dovonlar, togʻlardan yelday uchib oʻt. — Mirtemir, Asarlar

Toʻlqinday asov boʻl, sergak qalamim. Davr-u dovonlardan barkamol oʻzgil. — G. Joʻrayeva, Iqbol

ot esk. ayn. Siyoxdon.

[Avaz] Tokchadagi los solingan dovot, qamish qalam va qogʻozni olib, xontaxta ustiga qoʻydi. — J. Sharipov, Xorazm

Madyor mingboshining mahkamasi: xontaxta ustida qalamdonli dovot, daftar, qogʻozlar bor. — N. Safarov, Tanlangan asarlar

ot Vayronlik keltiruvchi kuchli boʻron.

Dovul turdi. Dovulda qolmoq.

Sal oʻtmay osmon oqarib, atrof yorisha boshladi-yu, tungi qora dovulning qabih ishi butun dahshati bilan namoyon boʻldi. — O. Yoqubov, Diyonat

Yolgʻizlik qursin, yolgʻizga qorongʻi tunda shabada ham dovul boʻlib tuyular ekan. — I. Rahim, Ixlos

Qadar, -gacha.-E KADAR

ot Jasur, dovyurak, dovlashuvchi kishi.

Miltiq koʻtargan bilan ovchi boʻlmas, Dagʻdagʻa solgan bilan dovchi boʻlmas. — Maqol

Koʻp otgan bilan ovchi boʻlmas, Koʻp degan bilan dovchi boʻlmas. — Maqol