от 1. Доира шаклида тузилган саф ёки доира ясаб, қуршов олиб ўтирган кишилар ёки қўр ташлаб ўтирган одамлар.
Яхши йигит — давранинг боши. — Мақол
Давра сув қуйгандек жимжит бўлиб қолди. — Шарқ юлдузи
Даврага ғалати сукут чўкди. — О. Ёқубов, Эр бошига иш тушса
Ўрмонжон Қурбон ота билан Сидиқжонни созандалар ялла қилаётган даврадан топди. — А. Қаҳҳор, Қўшчинор чироқлари
2. Шундай қуршовнинг ўртасидаги бўш жой.
Жувон даврани уч айланганидан кейин, ўзи сингари кийинган бир йигитни тортади. — А. Қаҳҳор, Қўшчинор чироқлари
Ҳаяжонга тушиб, ниҳоятда чиройли ўйнаётган Бадиа даврани айланиб чиқди. — Мирмуҳсин, Меъмор
Бўри полвон қўлларини орқага қилиб, давра айланди. — Т. Мурод, Қўшиқ
3. Маълум хусусиятига кўра уюшган одамлар тўпи, гуруҳи, тўдаси; йиғин.
Олимлар давраси. Санъаткорлар давраси.
Мен қишлоқлик бир бола эмасманми, бунақанги катта олимлар даврасида биринчи бўлишим эди, андак ўнғайсизлана бошладим. — Х. Тўхтабоев
Ичкарида, бир тўп қизлар даврасида Зумрад ўсма қўйиб ўтирарди. — С. Сиёев, Отлиқ аёл
Кейин, умуман, Зебо у даврага тўғри келмайди. — Ш. Холмирзаев, Оғир тош кўчса
4. Ўйин, мусобақа, турнир ва шу кабиларнинг бир қури; бир қур ўйин, тур.
Шахматчилар ўртасидаги мусобақанинг биринчи даврасида биринчи ўйин ҳам тугади. — Газетадан
Жаҳон биринчилиги учун кураш олиб бораётган хоккей командаларининг иккинчи давра ўйинлари ниҳоятда кескин ўтмоқда. — Газетадан
Иккинчи давра бошланди. Мирҳайдарнинг хўрози ғолиб чиқди. — Муштум
5. Кўп босқичли сайлов тизимида сайловнинг бир босқичи.
Сайловнинг иккинчи давраси бошланди.
6. тўқм. Танда қўядиган айланувчи дастгоҳ.
7. дин. этн. Марҳумнинг гуноҳларини ювиш учун, жанозадан илгари тўпланиб ўтказиладиган маросим (бунда садақага ажратилган нарса марҳумнинг ёшига мувофиқ қўлдан қўлга ўтказиб айлантирилади).
- Давра олмоқ (ёки ясамоқ, қурмоқ) 1. Доира шаклида тизилмоқ; қуршов олиб ўтирмоқ. Саккиз юз одам ҳар тарафдан давра олиб, кийикни тутмоқчи бўлди. — ЭртакларДавра қуриб ўтирган базмчиларнинг ҳаракатлари, қилиқлари, бўғиқ нидоларини тасвирлашга тил кифоя қилмайди. — Ойбек, Танланган асарларАёл шу кураш бўлаётган ерга келиб, давра олишди. — П. Турсун, Ўқитувчи;Самолёт шаҳар устида бир давра олиб, кўздан ғойиб бўлди. — Назармат, Жўрлар баландҚандай бўлди ов, менинг ишим, деб, Неча давра олди олғир қушим, деб. — Муродхон