Поиск

ot 1. Biror yerdan, biror kimsa, narsa haqida olingan xabar, maʼlumot.

Darak qashshoq. Darak kelmoq.

Ismoildan hamon darak yoʻq edi. — Yoshlik

Qorongʻi tushdi hamki, Otaxoʻja akadan darak boʻlmadi, Zumrad opa xavotir ola boshladi. — S. Yunusov, Kutilmagan xazina

Gʻuncha ochgan soʻlim navbahor Kutganimdan keltirdi darak. — Mirtemir, Asarlar

2. Biror narsa yoki xususiyatdan dalolat beruvchi nishona, belgi.

Yoshlik —hayot, kelajak. Yoshlik — qudratdan darak. — Yo. Mirzo

Oq bulutlar feruzalangan samoda yengil suzadi. Kuzning daragi, deymiz buni. — Gazetadan

ot 1. Darak, xabar olib keluvchi yoki yetkazuvchi; ogoh etuvchi.

Qaldirgʻoch — bahor darakchisi.

Boychechak — bahor darakchilaridan biri. — Gazetadan

Bu kulgusida zahar bor edi, yomon bir narsaning darakchisi edi. — Yoshlik

2. tar. Aygʻoqchi, josus; agent.

Darakchining aytishicha, Iskandar askarlarining bir qismini Soʻgʻdiyada qoldirib, oʻzi qishlash uchun Zariaspga [Balx yaqinidagi shahar] joʻnab ketibdi. — M. Osim, Ajdodlarimiz qissasi

sft. Darak bermay, xat-xabar qilmay, bedarak.

Daraksiz yoʻqolmoq. Daraksiz ketmoq.

Hasanali Uxlamay kutib oʻtirdi. Ammo u [Otabek] tungi soat oʻn ikkida ham daraksiz edi. — A. Qodiriy, Oʻtgan kunlar

Bir xoʻroz qichqirigʻi oʻtganiga talay vaqt boʻlsa ham, hamon Raʼno daraksiz. — A. Qodiriy, Mehrobdan chayon

ot kam qoʻll. Yozma xabar, yozma maʼlumot.

Bunday daraknomalar kundalik topshiriqlarning bajarilmay qolish sabablarini oʻz vaqtida aniqlashga koʻmaklashadi. — Gazetadan

fl. Daragini surishtirmoq, darak solib qidirmoq, axtarmoq.

Daraklamagan joyim qolmadi. Bir yoqda onasi bolamni top! deb yegan-ichganimni. ichimga tushirmaydi. — Oydin, Hazil emish

Avaz Matpanoni daraklab, sahar hujrasiga bordi. — S. Siyoyev, Avaz

Ertalab Sohibaning ketib qolganligini eshitdim, daraklashga botinolmadim. — Yoshlik

fl. Daraklamoq feʼlining orttirma nisbati.