Поиск

ot Qattiq toshloq yer, muz va shu kabilarni qazish, kovlash uchun ishlatiladigan, uchi oʻtkir poʻlat asbob; metin.

Choʻkich urmoq.

Lekin faqat oyoq bilan chiqmaslar tosha, Arqon kerak, choʻkich kerak, kerak ot-ulov. — A. Oripov

Birov choʻkich bilan zarang yerni yumshatadi, toʻp-toʻp odam yuqoriga shagʻal tashiydi. — Yoshlik

fl. 1. Choʻkich bilan urib boʻshatmoq, ushatmoq, buzmoq, qazimoq, kovlamoq.

Koʻmir choʻkichlamoq.

Shu vaqtda bir jingʻilni tomiri bilan choʻkichlab kovlay berdi. — Nurali

2. Bolgʻalab ishlov bermoq.

Olam boʻyi tarqaldi shior: Qilichlarni qayta choʻkichlab, Biz ularni olovda ushlab, Omoch, oʻroq qilaylik tayyor! — M. Shayxzoda.

fl. Choʻkichlamoq feʼlining majhul nisbati.

fl. Choʻkichlamoq feʼlining orttirma nisbati.