Поиск

ot 1. Yogʻ va qurum aralash yopishqoq massa; is.

Qozonning chirki. Chirk bosib qoraygan uy.

Idish yuvadigan, ishchilar qoʻl yuvadigan joy chirk bosgan. — Gazetadan

2. Qalin qatirma kir, yagʻir.

Chirk bogʻlab ketgan doʻppi.

Chirk bosgan kepka kiyib yuradigan qop-qora, boshi soʻpoq, suyagi buzuq, rangpar yigit. — A. Muxtor, Davr mening taqdirimda

3. Qotib qolgan arava moyi.

sft. 1. Chirk bosgan, chirk bosib qoraygan; xira.

Chirkin va siniq shishalar.

2. Qatirma kir. yagʻir. isqirt. iflos.

Ular gullarni sevadilar. Kiyimlari chirkin boʻlsa ham, chakkalariga gul qistirib yuradilar. — Oybek, Tanlangan asarlar

Ulardan biri yengli miykada. boshiga chirkin doʻppi kiygan. — N. Aminov, Qahqaha

3. koʻchma Razil, qabih, tuban.

Chirkin hayot. Chirkin maʼnaviy qiyofa.

Bu chirkin gʻamxonada joy uchun ijara toʻlaysizlar-a.ʼ — Oybek, Nur qidirib

U [Sulton Husayn] kecha bir daqiqalik chirkin hisga berilib, bemaʼni ish qilganidan pushaymon edi. — M. Osim, Karvon yoʻllarida

4. koʻchma Chirik, chirigan, oʻlib borayotgan.

Oʻtmishning chirkin qoldiqlari jamiyatimizga isnod keltiradi. — A. Muxtor, Tugʻilish

ot Razillik, tubanlik.

Chirkinliklar toʻlgan eski dunyodan Uchmoxlar undirish bizning ishimiz. — Gʻ, Gʻulom

Chirk II s. takr.

fl. Tubanlikka yuz tutmoq, tubanlashmoq, razillashmoq, qabihlashmoq.

Boʻhtonchilar oʻz gʻalabalari natijasida yuzlari battarroq qorayganini, ichlari yana battarroq chirkinlashganini sezmaydilar. — Oybek, Nur qidirib