Qidiruv

ot 1. Kerakli qismi ishlatilgandan qolgan narsalar; chiqit, qoldiq.

Sanoat chiqindisi. Neft chiqindisi.

Tabiatni ifloslantiradigan ofatlardan yana biri chiqindilardir. — Fan va turmush

Respublikamizdagi yogʻ-moy kombinati chiqindisi yiliga 80 000 tonnadan ortib ketdi. — Fan va turmush

2. Axlat.

Jamiki axlat shu suvga tushadi. Ayniqsa yogʻingarchilik, sel paytlarida yonbagʻirlardagi jami xonadonlarning chiqindilari oʻrlardan toshib, shu soyga tushadi. — S. Ahmad, Jimjitlik

3. koʻchma salb. Tuban, past (odam haqida).

Sabr kosasi toʻlgan Qoʻziboy aka umrida birinchi marta dagʻal gap qildi: — E, sizdaqa chiqindi E, hatto oʻgʻitga ham yaramaydi. — F. Musajonov, Chiqindi

muayyan joylarda maʼlum qoidalarga asosan joylashtiriladigan va keyinchalik ishlatiladigan, qayta ishlov beriladigan yoki yoʻq qilinadigan, koʻmiladigan xom-ashyo, materiallar qoldiqlari, talabga javob bermaydigan asosiy va qoʻshimcha mahsulotlar, ishlatilgan va oʻzining oldingi sifatini yoʻqotgan tayyor mahsulotlar.

foydali qazilmalarni qazib olishda va qayta ishlashda hosil boʻladigan mineral xom ashyo va chiqindilarni qabul qilish va saqlashga moʻljallangan inshoot.

chiqindilarni okean va dengizlarga oqizish, okean tubida koʻmish.

1. chiqindilarni muddatsiz saqlash yoki qayta ishlash joylariga koʻchirish. Chiqitlarni yoʻqotishning oddiy usullariga ularni poligonlarga chiqarish yoki yoqish kiradi;

2. chiqindilarni joylashtirish, qayta ishlash, ulardan qayta foydalanish, yoʻqotish yoki koʻmishni birgalikda koʻrib chiqish jarayoni.

chiqindilarning kimyoviy tarkibini butkul ravishda oʻzgartirish jarayoni, mas. yoqish, oksidlash, shisha va keramika mahsulotlari tayyorlash.