fl. 1. Nomini aytish, ovoz chiqarish yoki biror xatti-harakat vositasida muayyan joyga kelishga undamoq, chorlamoq.
Bir vaqt Kumush xola chaqirib qoldi: — Huv Qorakoʻz! Munda kel, bolam! — S. Siyoyev, Yorugʻlik
Xon qars urib, mulozimini chaqirdi. — S. Siyoyev, Yorugʻlik
Ahmedov imo bilan uni [Kanizakni] chaqirdi. — A. Qahhor, Qoʻshchinor chiroqlari
Boʻtaboy baland ovoz bilan brigadirlarni chaqirdi. — A. Qahhor, Qoʻshchinor chiroqlari
2. Oʻziga qaratish maqsadida nomini aytib yoki boshqa soʻzlar vositasida uzoqroq joydan turib murojaat qilmoq.
Koʻchaning narigi yuzidan uni kimdir chaqirdi. Hamroqul, chaqirgan kishiga qarayman, deb gandiraklab ketdi. — A. Qahhor, Asarlar
3. Taklif, daʼvat qilmoq.
Dehqon oʻzining yaqin qarindoshlarini va oshna-ogʻaynilarini mehmonga chaqiribdi. — Chalpak yoqqan kun
Quyosh tik kelganda, Choʻli bobo hammani ovqatga chaqirdi. — Mirmuhsin,Meʼmor
4. Biror ish, vazifa va shu kabilarni ado etishga yoki unda ishtirok etishga daʼvat qilmoq, undamoq.
Yordamga chaqirmoq. Musobaqaga chaqirmoq.
Rahbarlar Fotimaning ishini maqtab, hammani undan oʻrnak olishga chaqirardi. — T. Ashurov, Oq ot
Cholning jahli chiqib, zolim xonni urushga chaqirdi. — Chalpak yoqqan kun
Nikoh kuni samovar qaynatish ishiga boyning xotini Yoʻlchini chaqirdi. — Oybek, Tanlangan asarlar
5. Biror narsani keltirishni soʻramoq, buyurtma bermoq (oshxona, choyxona va shu kabilarda).
[Yoʻlchi] Choyxonalardan biriga kirdi. Ustunga suyanib, taxta karavotda oyogʻini uzatib oʻtirdi. Choy chaqirdi. — Oybek, Tanlangan asarlar
Uzing chaqirding, oʻzing buyurding. [Pulini] Toʻlayber! — A. Qahhor, Ogʻaynilar
6. Ollo(h)xudoegamparvardigor Kabi soʻzlar bilan birga qoʻllanib, vafot qildi, oʻldi degan maʼnoni anglatadi.
Ollo Farruxni oʻz dargohiga chaqirib olibdi. — S. Siyoyev, Yorugʻlik
7. Qichqirmoq, tovush chiqarib xabar bermoq.
Gudok chaqirdi.
Bu orada yana bir xoʻroz chaqirib oʻtdi. — M. Ismoiliy, Fargʻona tong otguncha
8. koʻchma Pirovardida biror natijaga olib kelmoq; keltirib chiqarmoq.
Uyqu kasal chaqirar. — Maqol
Ortiqcha kulgi yigʻi chaqiradi. — Gazetadan
Tut tepasida bir qargʻa boʻynini choʻzib, jon-jahdi bilan qagʻillab, qor chaqirardi. — Mirmuhsin, Qulamas qoya
- deb chaqirmoq Atamoq, shunday nom, soʻzni qoʻllab murojaat qilmoq. Bu kishining ustodlari Zokir eshon-da Xonuni Zokir gov deb chaqirar edi. — K. Yashin, HamzaBoʻlmasa sizni, amaki, deb chaqirsam maylimi? — X. Toʻxtaboyev, Shirin qovunlar mamlakati
- Kuyov chaqirdi Begimxonning onasi kuyov chaqirdisini oʻtkazishi bilan 1939 yili Erali harbiy xizmatga ketdi. — I. Rahim, Chin muhabbat
- Majlis (yoki kengash) chaqirmoq Majlis yoki kengash boʻlishi haqida unga aloqador shaxslarga bildirmoq, xabar bermoq; majlis yoki kengash oʻtkazmoq. Ertoyevning baxtiga, ikkinchi sekretar ham kichik majlis chaqirgan ekan — O. Yoqubov, Er boshiga ish tushsaHusayn Boyqaro kengash chaqirdi. — Oybek, Navoiy
- Eshigini chaqirmoq Birovning eshigini qoqmoq, taqillatmoq.