ot 1. Asosan mis, jez singari metallardan yasalgan, qiymati past mayda tanga pul.
Oq koʻylak ustidan olacha ipak toʻn kiygan, gavdasi yoʻgʻon baqqol yosh xaridorning aytgan narsalarini tortib, qoʻlidan mayda chaqalarni oldi. — M. Osim, Ibn Sino
2. esk. Bir tiyin.
[Otabek va Ali] Dasturxonni yigʻishtiruvchi kelinchakka oʻgʻil tilab duo qilgandan keyin, qoʻliga oʻttiz chaqa surma puli berdilar. — A. Qodiriy, Oʻtgan kunlar
3. Umuman pul, mablagʻ.
Temirchi yigitning chaqasi miyonagina toʻyga yetarli boʻlib qolganida, Xolxoʻja qoʻrboshi yigitlarining xuruji boshlandi. — S. Ahmad, Hukm
- Bir chaqaga (yoki sariq chaqaga) arzimaydi Hech narsaga yaramaydi, arzimaydi. — Xayollarim bir chaqaga ham arzimaydi, muhtaram zot, — hozirjavoblik bilan uzib oldi mohir sanʼatkor. — Gazetadan
- Bir chaqaga (yoki sariq chaqaga) olmaslik Mensimaslik, hurmat qilmaslik. Bu kulishdan uning mehmonni bir chaqaga olmasligi aniq bilinib turardi. — A. Muxtor, Opa-singillarMen tirikman — bozori chaqqon, men oʻlsam, uni birov sariq chaqaga olmaydi. — M. M. Doʻst, Lolazor
- Bir (yoki sariq) chaqalik Sira, mutlaqo. Bu Nasim degani shunaqa Bemavrid yogʻayotgan qor bilan ham Abrorning tajanglanib turgani bilan ham uning bir chaqalik ishi yoʻq. — O. Muxtor, Egilgan boshBu chatoq ishga oʻzining sariq chaqalik aloqasi boʻlmasa hamki, butun javobgarlik oʻz yelkasiga agʻdarilganday hang-mang boʻldi. — H. Nazir, Soʻnmas chaqmoqlar
- Sariq chaqam yoʻq Sira ham pulim yoʻq. [Yoʻlchi:] Onam, ukalarim uchun bu yerda yuribman, Eshvoy aka, buni yaxshi bilasiz. Ammo hozir yonimda sariq chaqam yoʻq. — Oybek, Tanlangan asarlar
- Chaqa qilmoq Sotmoq, pullamoq. Mana, Barat supurgichi! Bozordan supurgisini chaqa qilolmay, yana orqalab qaytayotir. Oybek, Tanlangan asarlar.