Қидирув

от 1. Қўй-эчки оёғи остида тўпланиб, қатлам ҳосил қилган гўнг.

Абдусамад эрталабдан кун қиёмга етгунча пишиллаб чалма чопди. — Ш. Бўтаев, Қўрғонланган ой

2. Мол гўнгидан катта чамбарак қолипга солиб ясалган ёқилғи.

Чалма қуймоқ.

Саккиз гектар чиқадиган ўрикзорга қараш, баҳор аёзларида чалма тутатиш Омоннинг бўйнида эди. — Ш. Холмирзаев, Бодом қишда гуллади

Чопонининг устидан чакмонини кийди, бошини чалмаси билан танғиди. Ш. — Тошматов, Эрк қуши

фл. 1. Мусиқа асбобида бирор куй, оҳанг ижро этмоқ.

Ноғорачи йигит уста экан! Шундай берилиб, шундай терга ботиб чалдики, осмон пардасини йиртиб юборгудай бўлди. — Ў. Ҳошимов, Қалбингга қулоқ сол

2. Садо, овоз чиқарадиган, сигнал берадиган асбобларни ишга солмоқ.

Қўнғироқ чалмоқ. Гудок чалмоқ. Ўт ўчириш машинаси устма-уст сигнал чалди.

3. Бирор аъзо воситасида товуш, садо, овоз чиқармоқ (одам ҳақида).

Шер чапак чаламан деб, қўлидан кўкчани тушириб юборишига сал қолди. — С. Анорбоев, Ҳамсуҳбатлар

Ашур икки бармоғини оғзига тиқиб, ҳуштак чалди. — Н. Аминов, Қаҳқаҳа

4. Садо, овоз чиқармоқ (жонсиз нарсалар ҳақида).

Мен борай, куртаклар кутиб қолдилар Мен борай, шамоллар ҳуштак чалдилар. — Ёшлик

Еллар чалган чапакдан Новдалар ухлар қониб. — Ёшлик

от махс. Чархнинг дук ўрнатиладиган айрисимон қисми.

от бот. Ошқовоқнинг салласимон бир тури.

фл. шв. қ. Чалишмоқ 2.

Мирвали тоға кетига тисарилиб бораркан, оёғи чалмашиб йиқилди. — Шарқ юлдузи

фл. Чалмашмоқ феълининг орттирма нисбати.