Қидирув

от 1. мат. Бир нуқтада кесишган икки чизиқ (ёки нур) ҳосил қиладиган оралиқ, текислик; шундай текислик турли ҳодисалар ўлчови сифатида.

Бурчак даражалар билан ўлчанади. Тўғри бурчак. Ўтмас бурчак. Ўткир бурчак. Бурчак боши. Мўлжалга олиш бурчаги. Кеманинг курсдан оғиш бурчаги. Нурнинг тушиш бурчаги қайтиш бурчагига тенг.

2. Нарсаларнинг томонлари, қирралари кесишган жой; бурч.

Дафтарнинг бурчаги. Столнинг бурчаги.

Тўрт бурчагига кўк, бинафша, шафтолиранг ипаклар билан гуллар тикилган. — Ойбек, Қуёш қораймас

3. Хона, бино, ҳовли ва шу кабиларнинг ички деворлари туташган жойи ва унинг атрофи.

Ҳовлининг бурчаги. Айвоннинг бурчаги. Қўрғоннинг бурчаги.

У кўзларини бурчакка тикканича, қимирламай ўтирарди. — С. Зуннунова, Олов

Мен ҳужранинг бурчагида турган қанордаги сомон устига чиқиб, донг қотиб ухлаб қолибман. — Ғайратий, Унутилмас кунлар

Кампирнинг амр-у фармони билан уйнинг етти бурчагига етти шам ёқилди. — Х. Тўхтабоев, Ширин қовунлар мамлакати

4. Кўчалар, ёʻлларнинг кесишган жойи; муюлиш, муюш.

Бизники мана шу бурчакдаги эшик. — А. Қодирий, Ўтган кунлар

5. кўчма Чекка, чекка ер, тараф, томон; овлоқ, пана жой.

Дунёнинг у бурчагига боришга розиман. — С. Аҳмад, Уфқ

Тоғнинг ҳар бурчаги ва ёнбағридан акс садо келиб, дарани ларзага келтирди. — С. Айний, Дохунда

Ҳар зумда дунёнинг бурчакларига Хабарлар жўнайди қатор ва қатор. — А. Орипов, Йиллар армони

Ҳасанни Сафарқул бир бурчакка олиб бориб, нима хусусидадир у билан гаплаша бошлаганида, Қутбия учун тинч нафас олишга, озод гапиришга фурсат топилди. — С. Айний, Қуллар

Шу чоғгача қайси бурчакда моғор босиб ётган эдингиз? — А. Қаҳҳор, Қўшчинор чироқлари

6. Саноқ сонларга қўшилиб, қўшма сўзлар ясайди, масалан,

Учбурчак, тўртбурчак, бешбурчак.

сфт. Бурчаги мавжуд.

Тўғри бурчакли учбурчак (математика).

Кампир Эргашнинг қўлидан уч бурчакли кўк конверт билан телеграммани олиб, бағрига босди. — И. Раҳим, Чин муҳаббат

Чол вафотидан уч кун ўтгач, у ётган жойдан, тупроқ ичидан уч бурчакли тумор топилди. — Мирмуҳсин, Қаҳрамоннома

от зоол. Танглай тишлари бурчак шаклида қайрилган думли амфибияларнинг бир тури.

адв 1. (to pace, to walk) up and down, to and fro

2. at angle of, on the angle

3. obliquely, slantwise, aslant

от мат. Синиқ чизиқлар билан ўралган, тўртдан ортиқ бурчакли геометрик шакл.

от 1. Учта бурчакли, туморча шаклидаги.

Учбурчак ҳовли.

Тўққиз самолёт учга бўлиниб, учбурчак шаклида текис оқиб келарди. — Шуҳрат, Шинелли йиллар

Нарироқда уч муллабачча бир бўйра устида учбурчак бўлиб ўтириб, мушкул бир масалани баҳслашади. — Ойбек, Навоий

2. с.т. эск. Муассаса, корхоналарда уч раҳбар шахс (директор ёки раис, партком котиби ёки вакили ва касабақўм раиси).

Бу масалани учбурчак ҳал этади.

3. мат. Бир тўғри чизиқда ётмаган учта нуқта ва учлари шу нуқталарда бўлган учта кесмадан ясалган геометрик шакл.

Тўғри бурчакли учбурчак. Тенг бурчакли учбурчак.

Олиб кирилган чой ҳам совиб қолар, аллақандай ўлчовлар-учбурчаклар хаёлини тортиб кетарди. — Мирмуҳсин, Меъмор