Қидирув

сфт. 1. Спирал шаклда буралган, ўралган; буралма.

кичкина бурама мўйловли йигит ҳеч қаерда кўринмасди. — С. Сиёев, Аваз

Айниқса каттакон бурама карнай овози ажралиб турарди. — Ҳ. Назир, Кўктерак шабадаси

Улар бурама сўқмоқдан занжирдек олдинма-кетин боришар(ди) — С. Кароматов, Олтин қум

Шаҳзода Мўмин қатлхонага олиб чиқадиган бурама зинапоядан деворни икки қўли билан сийпаб, секин орқага тисланмоқда. — Ф. Жўраев, Обид Жалилов

2. Бураб очилиб-ёпиладиган; винцимон; винтли.

Дарвозабон отнинг калласидек келадиган бурама қулфга узун калитни солиб, анчагача буради-да, дарвозани очди. — М. Осим, Ўтрор

Ҳасанали ҳужранинг узун бурама қул-фини очиб, ичкарига шам ёқди ва бекнинг тўшагини ёзиб, унинг кириб ётишини кутиб турди. — А. Қодирий, Ўтган кунлар

3. Гирдоб, уюрма.

Этакда Сир тўлиб, ўқтин-ўқтин бурамалар ҳосил қилиб, тўлғаниб оқмоқда. — Й. Шамширов, Енгиш

4. айн. Бурма 1, 2.

Бурама кўйлак кийибсиз, Севикли укам, ёр-ёр. — Қўшиқлар

5. кўчма Тескари маъноли, кинояли; аччиқ.

Бурама гап қилмоқ.

фл. 1. Доиравий ҳаракатга келтирмоқ, айлантирмоқ.

У телефонни қанча бураса ҳам, жавоб бўлмади. — Ш. Рашидов, Бўрондан кучли

Дуторчи дуторининг қулоғини жаҳл билан қаттиқ бураб, торини узиб юборди. — А. Қаҳҳор, Қаноциз читтак

Азонда Муроднинг уйқуси қочди. Бош томонидаги столда турган муштдайгина радионинг қулоғини буради. — М. Ҳазратқулов, Журъат

2. Ўраб, айлантириб, бурама шаклга киритмоқ, эшмоқ.

Арқонни бурамоқ.

Сидиқжон мўйловини бураб, кулимсиради ва ер остидан Зуннунхўжага қаради. — А. Қаҳҳор, Қўшчинор чироқлари

Қозиқ лиқиллай бошлаганида, ердан чиқдим и, осмондан тушдими, ишқилиб, биров қулоғини бураб тортди. — Шарқ юлдузи

Бекнинг асабийлиги ниҳоясига етди ва у Лаълининг сочидан бураб, теракзорга судраб кетди. — Ҳ. Ғулом, Машъал

3. Айлантириб жойига туширмоқ, маҳкамламоқ ёки жойидан чиқармоқ, бўшатмоқ.

Гайкани бурамоқ.

Дарвозадан ичкарига кириши билан, ғаладонни очиб, шурупларини бурашгани бурашган. — С. Нуров, Нарвой

4. Пружинали механизмларни ҳаракатга келтирмоқ.

Соатни бурамоқ. Ўйинчоқни бурамоқ.

Шу машинанинг қулоғини бурасанг, лаганча чир-чир айланиб, ашула, дутор, танбур ванғирлайверади. — Ойбек, Танланган асарлар

Эрининг қўлидаги соатни олиб буради. — С. Аҳмад, Уфқ

Кампир минди ёғоч отни, Буради пўлат мурватни. — Муродхон

от такр. с. Буралиб-буралиб кетган, жингалак, қўнғироқ.

Бурам-бурам гажагингга қўнсинми чанг — Муштум

от Буралган, эгри-бугри.

Буранг ёғоч.

сфт. айн. Бурама 1.

Иккинчиси, ёшроғи, буралма мўйловли, қотмагина. — Ойбек, Танланган асарлар

фл. 1. Бурамоқ феълининг мажҳул ва ўзлик нисбати.

Винт буралмаяпти. Мўридан буралиб чиқаётган тутун.

Норин дарёси тоғ ораларидан буралиб, кўпириб оқиб чиқяпти. — С. Аҳмад, Уфқ

Чайла олдидаги гувала ўчоқдан буралиб-буралиб тутун кўтарилди. — С. Аҳмад, Уфқ

Ичида алланима буралиб, ўқтин-ўқтин санчиқ турарди. — Ёшлик

2. Гавдани бир турли тўлғантирмоқ, шу ҳолатда юрмоқ, қилтангламоқ.

Паризодлар ўйнаб турар, Нозик беллари буралиб. — Маликайи айёр

Ичи ёниб, каравотда буралиб, тириша бошлади. — Мирмуҳсин, Умид