Қидирув

от Буклаб йиғиб қўйиладиган, ёпиладиган.

Буклама пичоқ. Буклама каравот.

Мен шамшод хивичдан тўқилган буклама курсичани тахладим. — С. Азимова, О, Лайло

Восит буклама каравотни ошхонага олиб чиқиб ётадиган бўлди. — Ш. Холмирзаев, Бодом қишда гуллади

Обид ака буклама пичоғини тарвузнинг думига шундай тегизиши билан ёрилиб кетди. — Ў. Умарбеков, Одам бўлиш қийин

фл. 1. Бир учини иккинчи учига етказиб қайирмоқ, букмоқ, шу тарзда букиб тахламоқ.

Қоғозни букламоқ.

Зайнаб букланган бир қоғозни эрига узатди. — Мирмуҳсин, Чодрали аёл

Қалами тўнини ечиб, бир четга буклаб қўйди. — С. Сиёев, Аваз

Газетани буклаб, чўнтагига солиб қўйди. — С. Аҳмад, Уфқ

2. Йиғмоқ, ёпмоқ (буклама нарсаларни).

Қаламтарошни букламоқ. Зонтикни букламоқ.

— Бу бир, — деди у катта бармоғини буклаб. — Ш. Рашидов, Бўрондан кучли

3. кўчма Бўйсундирмоқ, тобе қилмоқ, енгмоқ.

Одамга эгиладиганга ўхшамайди бу бола, сиз бир гап билан икки буклаб қўйдингиз. — И. Раҳим, Ихлос

от 1. Букланган, буклоғлик, букик.

Икки буклам қоғоз.

Устингга кийганинг буклам кўйлакди, Ўрганибсан нағма билан юрмакни. — Қўшиқлар

2. Қат-қат букланган нарсаларнинг ҳар бир қати.

Букламини ёзмоқ.

фл. Букламоқ феълининг мажҳул нисбати.

фл. Букламоқ феълининг орттирма нисбати.

фл. Букланмоқ феълининг орттирма нисбати.