Қидирув

heutzutage, bis heute

от 1. Сўз бораётган пайтда кечирилаётган ёки кечирилган кун, кеча-кундуз.

Мен сенга муносиб эмаслигимни бугун билдим. С. Аҳмад, Уфқ. Азизхоннинг бугунига, эртасига Лутфинисо жуда-жуда зарур эди. — С. Аҳмад, Уфқ

Ўтган куни ҳам, кеча ҳам, бугун ҳам шундай қилмоқчи бўлди-ю, бари бир кўнгли чопмади. — А. Обиджон, Аканг қарағай Гулмат

2. от взф. Ҳозирги пайт, ҳозирги кун.

Бугунимиз жуда яхши, эртамиз бундан ҳам яхши бўлади. Бугунни ўйлама, эртани ўйла. — Мақол

сфт. 1. Сўз бораётган куни содир бўлган, юз берган, юзага келган ёки шу куни бўладиган.

Бугунги газета. Бугунги машғулот. Бугунги ишни эртага қўйма. — Мақол

Бугунги газетада унинг Азизхон тўғрисида каттакон мақоласи босилди. — С. Аҳмад, Уфқ

Шу бугунги мажлисда тилини қисиб ўтира қолса бўларди. — С. Аҳмад, Юлдуз

2. Ҳозирги пайтдаги, ҳозирги кундаги, ҳозирги.

Бугунги вазифалар.

Ўтмишимиздан, тарихдан бугунги авлодни хабардор қила оладиган спектакллар кам. — Саодат

рвш. Бугун, шу бугун, бир кунга, бир кунчалик.

Заргаров бугунча кул-басида тунашга рози бўлди. — А. Мухтор, Асарлар

Уста, бугунча ишни қўйинг, уйга боринг. — Р. Файзий, Сен етим эмассан

— Оғриқ туяга бугунча дам бериб, кейин келадиган карвонларга қўшилиб кетиш учун булоқ бўйида қолдик, — деди Ҳожи хола. — М. Исмоилий, Фарғона тонг отгунча

рвш. Бугун ёки эртага, бугун ёки эрта ичида; яқин фурсатда, тез орада.

Бугун-эрта эшикдан кириб келса-чи?!! — С. Кароматов, Олтин қум

Ҳужжатларни бугун-эрта расмийлаштириб, душанбаданоқ ишга киришинг. — А. Обиджон, Аканг қарағай Гулмат

Отабек ёш, ёшлар муҳаббати —учар қуш, балки бугун-эрта унутиб ҳам юборар! — А. Қодирий, Ўтган кунлар

арабчаستكون جاهزة اليوم, Satakuun jaahiza alyavmрусчаБудет готово сегодняинглизчаIt will be ready today