sft. 1. Dastlabki, boshla-nishdagi; oʻlchash, qiyoslash uchun asos qilib olingan; bosh.
Snaryadning boshlangʻich tezligi. Boshlangʻich dalillar.
Meridianlarning biri, yaʼni London orqali oʻtadigan meridian, boshlangʻich meridian deb hisoblanadi. — Geografiya
2. Quyi, birinchi bosqich.
Boshlangʻich sinf.
Boshlangʻich taʼlim bilimlar poydevori hisoblanadi. — Fan va turmush
Boshlangʻich maʼlumotni olgach, u oʻqituvchilar tayyorlash kursiga oʻqishga kirdi. — Gazetadan
Bashoratni boshlangʻich maktabga berishning foydasi yoʻq. — A. Muxtor, Opa-singillar
3. Eng oddiy, elementar.
Boshlangʻich fizika.
4. Dastlabki holdagi, ibtidoiy.
Boshlangʻich jamiyat.
Boshlangʻich vaqtda odamlar yovvoyilikda, tushkunlikda hayot kechirishgan. — O. Moʻminov, Xiyobondagi uch uchrashuv
5. otayn. Boshlama.
Erishilgan muvaffaqiyatlar katta ishlarning boshlangʻichi, xolos.