Қидирув

фл. 1. Ранг бермоқ, бўёқ суртиб безамоқ.

Хонанинг шифти ва деворлари кўҳсиз, лекин ялтироқ бўёқлар билан бўялган. — О. Ёқубов, Эр бошига иш тушса

Сочи эркакча қирқилган лабини шундоғам бўяганки, худди помидор тишлаб келаётганга ўхшайди. — С. Аҳмад, Сайланма

2. Бирор нарса билан қоплаб, тусини ўзгартирмоқ, бошқа тусга киритмоқ.

Чанг бутун маҳаллани: томларни ҳам, деворларни ҳам, сувсизликда қақраб қолган яккам-дук-кам дарахтларни ҳам бир хилдаги жонсиз, оқиш рангга бўярди. — А. Мухтор, Опа-сингиллар

3. Беламоқ, булғамоқ, ботирмоқ.

Пўлат ота, кўкраги қип-қизил қонга бўялиб, гурс этиб йиқилди. — К. Яшин, Ҳамза

Ўтларини бўямас табаррук қонга, Тупроқни муқаддас рангга бўямас. — Х. Даврон, Қақнус

4. кўчма Бузиб, ўзгартириб ёки ёмон томонларини яшириб, яхши томондан кўрсатмоқ; пардоз бермоқ.

Ҳақиқатни бўямоқ.

Ғофир бўлса, барча сўзларим Муроталига маъқул бўлаётир, деб кўнглидан ўтказди-да, Ойқиз билан бўлган суҳбатини анчагина бўяб кўрсатди. — Ш. Рашидов, Бўрондан кучли

Кўплаб айтдинг сўзингни, Лекин бўяб айтмадинг. — Шарқ юлдузи

рвш. Сўз бораётган пайтдан бирмунча вақт олдин; ҳали; яқинда.

Боя шивалаб ёға бошлаган ёмғир тинганди. — М. Муҳамедов, Қаҳрамон изидан

Мунира ҳам, Аҳмад ҳам боя ўрталарида бўлиб ўтган тўқнашувни унутмаган эдилар. — Ф. Мусажонов, Ҳиммат

фл. 1. Бўямоқ феълининг биргалик нисбати.

Улар уйларини бўяшибди.

2. Бўяш ишига қарашмоқ, бўяшга ёрдамлашмоқ.

Акамга эшикни бўяшдим.

от Қадимги Москва Русида ҳоким синф вакили, катта ер эгаси.

рвш. Боя, ҳали содир бўлган, боя юз берган, кўрилган, эшитилган; ҳалиги.

Зокир ота холанинг бояги шикоятини эслаб, кўнглидаги гапни айтолмади. — Гулдаста

Анвар кулди. Аммо бу кулиш унинг бояги кулгиларидан тамоман бошқа, яъни бахтиёрлик кулгиси эди. — А. Қодирий, Меҳробдан чаён

Ёмғир боягидан анча тезлашган бўлса.-да, осмон ёриша бошлаган эди. — С. Кароматов, Олтин қум