Поиск

sft. 1. Oʻz hayotidan mamnun, baxti kulgan; baxtiyor.

Baxtli qiz.

Bunday baxtli yoshlik bir marta keladir. Zavqini surib qoling, aylanay. — P. Qodirov, Yulduzli tunlar

Ilohim, baxtli boʻl! Onangga, otangga rahmat, senga ish oʻrgatishibdi. — Oybek, Tanlangan asarlar

2. ayn. Baxtiyor 2.

— Ha, mayli, — dedi xoʻrsinib [Qirmizxon], — Siz bilan oʻtkazgan onlarimni shu notavon umrimning eng baxtli damlari deb bilaman. — N. Aminov, Qahqaha

U bu uyda eng shirin, baxtli kunlarini oʻtkazdi. — S. Zunnunova, Koʻk chiroqlar

3. Toley baland, omadi bor, omadli.

Baxtli ovchiga choʻloq kiyik yoʻliqar. — Maqol

Aylanay, kuyov bola, baxtli yigit ekansiz, shunday odamlarga oʻgʻil boʻlibsiz. — Mushtum

ot 1. ijt. Kishining oʻz faoliyati natijalaridan, hayotda qoʻlga kiritgan yutuqlaridan toʻla qoniqishi, yashash tarzidan mamnunligi, muayyan maqsadga yetgani, orzu-umidining ushalishi sifatida namoyon boʻladigan maʼnaviy-axloqiy tushuncha.

2. Hayot (turmush)dan toʻla mamnunlik va bearmonlik holati; saodat, qut.

Mehnat — baxt keltirar. Maqol.

Ona-yer nafasiga, mehriga, inʼomlariga toʻyib yashashdan ortiq baxt bormi? — Saodat

3. Omad, tole; iqbol.

Uf, nima ish qilsam, ketga qarab ketadi, xolos, mening baxtim qursin. — Hamza, Tuhmatchilar jazosi

— Ani shu qizlar safida menga ham joy bordir, — deb oʻyladi Adolat. — Baxtimni bir sinab koʻray-chi? — I. Rahim, Chin muhabbat

Hamma gap peshonada, taqsir Peshona shoʻr boʻlgandan keyin, unda baxt guli unadimi! — H. Gʻulom, Mashʼal

n luck, happiness

ЧК: русскийбыть счастливым ТПанглийскийto be happy at smth.немецкийglücklich sein über A

U uning muvaffaqiyatlaridan (nimadan?) baxtlidir.

Она счастлива ее успехами (чем?).

She is happy at her successes (what ... at?).

Sie ist über ihre Erfolge (worüber?) glücklich.

Мир и согласие родителей — залог счастья семьи.

sft. 1. Baxtga erishmagan, baxti kulmagan, baxti qora.

Ona bolasining baxtini koʻrolmay, baxtsiz boʻlgani uchun yigʻlar edi. — M. Ismoiliy, Fargʻona tong otguncha

Loaqal bu baxtsiz singlingiz uchun birgina bosh ogʻritsangiz-chi. — A. Qodiriy, Oʻtgan kunlar

Biroq Anvar oʻqishda qancha baxtli boʻlsa, peshonada oʻshancha baxtsiz edi. — A. Qodiriy, Mehrobdan chayon

2. Hayoti kulfat, dard-alam bilan toʻlib-toshgan, turmush lazzatidan bebahra, roʻshnolik koʻrmagan.

Bolam, shu mushtipar, shu baxtsiz onangning yarasiga tuz sepmasang, yurak-bagʻrini qon qilmasang, dadang keltirgan xabarni aytaman. — Oybek, Tanlangan asarlar

3. Biror-bir koʻngilsiz hodisaga uchragan; bechora.

Muhammadjon singari bolalar, Abduaziz ota singari chollar, kampirlar, oʻlim toʻshagida yotgan bemorlar, baxtsiz mayiblar oz boʻlganmikan? — A. Qahhor, Oltin yulduz

Nima, buni mashina mayib qilibdimiki, baxtsiz hodisa desa — K. Yashin, Hamza

Ilhomjon oʻz odatiga koʻra, yana baxtsiz hodisalar, oʻlim-yitim haqida gapira boshladi. — N. Aminov, Qahqaha