ot 1. Biror narsa, holat yoki masalani yoqlash maqsadida oʻtadigan munozara, tortishuv.
Fikr bahsda qiyomiga yetadi, deydi olimlar. — Shukrullo, Javohirlar sandigʻi
Bahs ketayotganda, odatda baqirgan tomon yutqazadi. — F. Musajonov, Himmat
Odatda fikrlar bahsi boʻlgan joyda taraqqiyot ham tezroq yutadi. — Gazetadan
2. Ilmiy yoki diniy adabiyotda biror masala, muammoga bagʻishlangan qism, boʻlim.
Xatib domla ham ushr bahsini ortiqcha uzaytirmadi, tezda kitobni yopdi. — A. Qodiriy, Obid ketmon
3. sport. Musobaqa, bellashuv.
Respublika yengil atletikachilari yirik bahslarga qizgʻin tayyorlanmoqdalar. — Gazetadan
Merganlar bahsida ishtirok etayotgan vakillarimiz ham boʻsh kelishmayapti. — Gazetadan
- Bahs ochmoq 1. I) munozara ochmoq;
- Bahs qilmoq 1. Munozara qilmoq; talashmoq, tortishmoq; [Hasanali] Unar-unmasdan bahs qilib, nihoyat, bu unar-unmasning oxiriga shu savolni ham ulab yubordi: Bu gal Margʻilonga kechikdingizmi? — A. Qodiriy, Oʻtgan kunlar