Поиск

ot 1. Osmonning eng yuqori qavati, yuqorisi.

2. maj. Eng yuqori joy.

Saharlar siynadin ohu figʻonim arshga chiqqanda — Zebiniso

ot 1. Metrik sistema joriy qilinganga qadar qoʻllangan uzunlik oʻlchov birligi (0,71 metrga teng).

2. Shu uzunlikdagi oʻlchov asbobi; gaz, gazchoʻp.

ot Afyun, asal va xushboʻy dorivorlardan tayyorlangan narkotik modda.

Koʻkaldosh madrasasida barsh deysanmi, chakida deysanmi, qisqasi, kayf beradigan har bir narsa desang, bor. — S. Ayniy, Jallodlar

ot 1. Olgʻa qarab yurish, harakatlanish

2. Safda baravar qadam tashlab yurish.

Tantana marshi. Marsh qilmoq.

3. Qoʻshinning tashkiliy ravishda yurish qilib, bir joydan ikkinchi joyga koʻchishi (piyoda yoki transport vositalarida).

Polk ikki kunlik marshdan keyin bepoyon, qalin bir oʻrmonga oʻrnashganicha, uzoq vaqt qolib ketdi. — A. Qahhor, Oltin yulduz

4. Harbiy yurishlarda, paradlarda ishtirok etuvchilarni ruhlantirish, ularning hissiyotiga taʼsir etish maqsadida yozilgan musiqa asari.

Zafar marshi.

Yolgʻizlikdan zerikib, radioni qoʻydi. Allaqanday marshlar chalinyapti. — H. Gʻulom, Toshkentliklar

sft. 1. Tarafdor boʻlmagan, tarafdor emas, maʼqul deb bilmaydigan, zid fikrdagi.

Ikkinchi uylanishga Otabek butunlay qarshi boʻlib, faqat bu qudalarning-gina ishlaridir. — A. Qodiriy, Oʻtgan kunlar

Shanbalikka koʻp odam kelishiga qarshisan — A. Qahhor, Qanotsiz chittak

men ham Kumushni Toshkent yubormoqqa qarshiman. — A. Qodiriy, Oʻtgan kunlar

2. Xilof, ziddiga ish tutuvchi; muxolif yoki dushman.

Qarshi tomonlar. Qarshi kuchlar.

Ustoz Qavom shunday moʻtabar zotning farzandi saltanatga qarshi boʻlgani, nobakor chiqqaniga afsuslanadi. — Mirmuhsin, Meʼmor

3. Boshqasini inkor etadigan, uning ziddi boʻlgan.

Bir-biriga qarshi fikrlar. Qonunga qarshi xatti-harakatlar.

Boʻtaboy akamga qarshi gapirsam ham mayligami? — A. Qahhor, Qoʻshchinor chiroqlari

4. Roʻbaroʻ joylashgan yoki yoʻnalgan; qarama-qarshi, roʻbaroʻ.

Qarshi oqim. Qarshi shamol. Koʻchaning qarshi tomoni. Qarshida turgan odam. Qarshidagi bogʻ.

Oyqiz qarshi tomondan kelgan shamol-toʻpolonni yorib, hamon oldinga intilardi. — Sh. Rashidov, Boʻrondan kuchli

Yotoqxona oldiga kelganimizda bir bola qarshimizdan chiqib qoldi. — Oʻ. Umarbekov, Shonli avlod

Otabek uchun eng nozik sa

nalgan bu masala qarshidagi javob kutib oʻtirguvchilarni nihoyat zeriktirdi. — A. Qodiriy, Oʻtgan kunlar

5. (j.k. bilan — -ga qarshi) koʻm. vzf.

6. 1) zidlik (zidlash) munosabatini bildiradi; zid (xilof) holda.

Uning ovozi istagiga qarshi baland jaranglamadi. — Oybek, Tanlangan asarlar

Qutidor, odatiga qarshi, bozordan kunduz soat uchlarda qaytib keldi-da, Otabekni soʻradi. — A. Qodiriy, Oʻtgan kunlar

Endi adolatga qarshi xiyonat qilish yarashmaydi. — Oybek, Tanlangan asarlar;

7. 2) oʻzi birikib kelgan soʻz anglatgan narsani daf etish, yoʻq qilish, oldini olish va sh.k. ga qaratilganlik maʼnosini bildiradi.

Ichkilikbozlikka qarshi kurash. Hasharotlarga qarshi dori sepmoq.

Kasalning oldini olish choralaridan eng muhimi vaqtida tepkiga qarshi emlatishdir. — Saodat

8. koʻm. vzf. esk. ayn. (3-sh. ega/shk va oʻ.-p. k. shaklida, b.k. bilan — qarshisida) oldida

Shuning uchun kutmagan hol qarshisida bir oz dovdirab qoldi. — Oybek, Tanlangan asarlar

Inobatxon kutilmagan bu achchiq muomala qarshisida borliq-yoʻqliq holda qoldi. — Mushtum