Қидирув

сфт. 1. Сариқ билан кўк ранг ўрталигидаги, барг ёки майса рангига эга бўлган ранг.

Яшил баргли ўсимликлар. Яшил парда. Яшил бўёқ.

Чап томонда тоғ этаклари, ўнг томонда яшил пахтазор, ўртада қишлоқ. — И. Раҳим, Чин муҳаббат

Бошидаги яшил рўмоли қорачадан келган юзини бўғиброқ қўйган бўлса ҳам, ўзига хўп ярашган — А. Қаҳҳор, Қўшчинор чироқлари

Эркин қушлар дарахтларнинг қуюқ яшили ичидан жонли найларини тинликка қўярди. — Ойбек, Навоий

2. Яшил рангли ёш майсалар ва ўсимликлар билан қопланган.

Яшил водий. Яшил дала. Яшил қирлар.

Ўнгроқда, яшил тепа устида қўйлар, қўзилар, эчкилар ўтлаб юрибди. — Ҳ. Ғулом, Машъал

сиёсий патриялар сифатида уюшган ёки уюшмаган ва атроф табиий муҳитни сақлаш борасида (ядро уруши хавфига қарши, атмосфера, сув ва б. тозалиги учун) фаолият кўрсатаётган сиёсий оқимлар вакиллари. Кўп давлатларда “Я.” парламентлар таркибига кирадилар.

от 1. Яшил ҳолат, яшил рангли ҳолат.

Ҳовлида жаладан кейинги манзара бошқача: дарахтлар яшиллиги яна ортган. — Ҳ. Назир, Сўнмас чақмоқлар

2. Яшил ранг.

Яшиллик югурган дарахтларнинг учларида илк баҳор қуёшининг олтин шуълалари товланарди. — С. Зуннунова, Гулхан

тупроқни озиқлантирувчи моддалар билан бойитиш, унинг таркибини яхшилаш мақсадида, тупроқни яшил (кўпинча дуккакли) ўсимликлар билан бирга шудгорлаш.

шаҳар яқинида белгиланган тартибда ажратилган, яшил ўсимликлар билан қопланган ва шаҳар учун алоҳида муҳитни ҳимоя қиладиган, санитар-гигиеник, рекреацион ва хўжалик аҳамиятига молик ҳудуд.

айрим давлатларда (мас. Украина) алоҳида муҳофазага муҳтож, камёб ва ёʻқ бўлиб кетаётган ўсимликлар ҳамжомоалари тўғрисидаги маълумотлар тўплами.