Қидирув

от 1. Бирор нарсанинг йиртилган, тешилган, узилган жойини ямаш, бутунлаш учун мўлжалланган бир парча мато, чарм ва шу кабилар

Шимининг тиззаси билан ўнг чўнтагининг тагига ямоқ солинган эди. — С. Кароматов, Олтин қум

Плансиз, муваққат уйлар, зар либосга бўз ямоқ сингари, қалъа ҳуснини бузиб турибди. — Газетадан

2. Ямоқ солинган, ямоқли жой.

Шерали, жуда бўлмаса, битта ямоқни бекитмоқчи бўлиб, кўйлагини шимининг устидан туширди. — С. Кароматов, Олтин қум

У отасининг чанг босган бўйнига, чопонининг елкасидаги ямоқларга назар солди. — Ш. Тошматов, Эрк қуши

3. Ямаш талаб этадиган, ямаладиган нарса, буюм.

У энди вақтининг кўпини ҳар ким келтирган ямоқларни ямаш билан ўтказа бошлади. — Ойбек, Танланган асарлар

4. Ямаш, ямашга оид.

Ямоқ ишлари сийраклашгач, ювилган кийимларга дазмол босишди. — Шуҳрат, Шинелли йиллар

5. Ямоқ солинган, ямаб тикилган; ямалган, ямоқли.

Ямоқ кўрпа. Ямоқ тўн. Ямоқ этик,

Айвон устунига суяниб турган ола-була ямоқ чопонли бир бола келиб, унинг олдига тушди: — Қани, юринг, муллака! — П. Турсун, Ўқитувчи

Тиззаси ямоқ шимни торлик қилиб қолгунча кийиб юрди. — У. Икромов, Унутилмас хотиралар

6. кўчма Тузалган яранинг изи, чандиқ.

Юзнинг ямоғи.

Меҳмоннинг бошида қандайдир тиртиқ, ямоқ доғлар, соч чиқмаган жойлар ҳам бор эди. — У. Исмоилов, Сайланма

7. кўчма Кам-кўстни, камчиликни тўлдирган нарса.

Ёмонга ёмон бул, Яхшига ямоқ бўл. — Мақол

Пахтадан келган ҳаён чорвага ямоқ бўлиб кетарди. — Й. Шамшаров, Тошқин

от Оёқ кийимларини тузатиш, ямаш иши билан шуғулланувчи косиб.

Уста Абдураҳмон: — Ҳа, Розиқ ямоқчининг қизлари ўқиб, шаҳар сўрармиди! — деб уришиб берди. — А. Қаҳҳор, Бошсиз одам

Дукчи ёнида ямоқчи косиблар, бирор кимса тиртиқ маҳсими, чурук чориқми кўтариб келармикан, деган умид билан сарғайиб ўтирар эдилар. — Ойбек, Улуғ ёʻл

от Ямоқчи иши, касби.

— У шаҳардами? Ямоқчиликни билар эканми? — деди Нури. — Ойбек, Танланган асарлар

Болтабой қотиб-қотиб кулди-да ямоқчилик қилаётган Маллавой акани кўрсатди. — А. Қаҳҳор, Қўшчинор чироқлари

сфт. 1. Ямалган-чатилган; чурук.

Ямоқ-ясқоқ кўрпалар.

Ямоқ-ясқоқ олача яктаклар. — Ойбек, Навоий

2. Ямаш, тикиш, тузатиш ишлари.

— Онам яқин ва узоқ маҳалладаги ўзига тўқ кишилар уйига бориб, кир ювиб, ямоқ-ясқоқ қилиб, бизларни боқишга киришди, — деди — Пўлат. Ғайратий, Унутилмас кунлар

Мил старый халат, пусть даже с заплатами.

1. Йиртилавериб кўп ямоқ тушган; жулдур.

Ҳовлида ўтин ёраётган йиртиқ-ямоқ тўнли бир йигит Элмуродни имлаб чақирди. — П. Турсун, Ўқитувчи

2. Йиртилган кийим-кечак, кўрпа-ёстиқ ва шу кабилар ҳамда уларни тикиш, ямаш ишлари.

Анзират хола йиртиқ-ямоқ билан машғул бўлиб, кечгача Сиддиқжоннинг олдидан жилмади. — А. Қаҳҳор, Қўшчинор чироқлари