sft. 1. Voqelikka haqqoniy nazar bilan qaraydigan, obyektiv baholaydigan.
Tarjima tanqidchisi xolis boʻlishi, tahlilga oldindan qatʼiy hukmlar bilan cheklanib kirishmasligi kerak. — Gʻ. Salomov, Tarjima nazariyasiga kirish
2. Begʻaraz, samimiy; taʼnasiz.
Mohlar oyimning Anvar bilan muomalasi xolis va samimiy edi. — A. Qodiriy Mehrobdan chayon
— U [Toʻxtasin Jalilov] bilganlarini menga minnatsiz, jon-dili bilan, xolis oʻrgatar edi, — dedi Halima. — H. Nosirova, Men oʻzbek qiziman
3. huq. Qamoqqa olish, tintuv oʻtkazish kabi hollarda hukumat organlari tomonidan obyektiv guvoh sifatida chaqirilgan shaxs.
Xolis oʻzi ishtirok etgan tergov harakatini yuritish bilan bogʻliq holatlar boʻyicha guvoh tariqasida soʻroq qilinishi mumkin. — Gazetadan
4. Biror kimsa yoki narsadan xoli.
Dunyo nodonlardan xolis boʻlganda edi, bu olam yana ham munavvarlik kashf etardi. — Gazetadan
5. Xolis (xotin-qizlar ismi).
- Niyati xolis Niyati sidqidildan, begʻaraz. Buni qarang, niyati xolis bolaman-da, oʻzingizga roʻpara kelib turibman. — S. Ahmad, Ufq
- Xolis guvoh 1. Ikki tomonga ham betaraf guvoh,;
- Xolis xizmat 1. Taʼnasiz, halol xizmat. Bu joy mehnatkashlarga xolis xizmat qiladigan oromgohdir. — K. Mahmudov, Qiziqarli pazandalikBu tintuv Sayfiyning xolis xizmati tufayli boʻlganligini u [Avaz] darhol angladi. — S. Siyoyev, Avaz