Поиск

ot 1. Yozuv, yozilgan, chizilgan yoki oʻyib tushirilgan belgilar; matn.

Olim toshga oʻyilgan qadimiy xatni oʻqishga urindi.

Xat kichikroq qogʻozda oʻlchovlik soʻzlardan iborat edi. — A. Qodiriy, Oʻtgan kunlar

2. Yozuvda ishlatiladigan grafik belgilar; harflar tizimi.

Arabcha xat. Lotin xatini oʻrganmoq.

3. Biror xabar berish yoki fikr almashish maqsadida aniq manzilga asosan pochta orqali yuboriladigan, matn yozilgan qogʻoz.

Bir kuni pochtalon Ashurali otaga xat tutqazdi: — Oʻgʻlingiz Kimsanboydan. — T. Ashurov, Oq ot

4. Harflarni yozishdagi oʻziga xos uslub, koʻrinish, yozuv xili.

Uning xati xunuk.

[Asar] Juda sifatli novvotrang qogʻozga nastaʼliq xatida koʻchirilgan. — UTA

5. Savod; harf tanish.

[Imom:] Toʻgʻrisini aytsak, xatimiz yoʻq hisobida! — Hamza, Boy ila xizmatchi

Usta Moʻmin, rahmatlik, xat bilar edi, kitob koʻrib, bolaning otini Yodgor qoʻydi. — A. Qahhor, Asror bobo

6. Rasmiy qogʻoz, hujjat.

Bunga tashkilotlar va shaxslar oʻrtasidagi rasmiy ishga taalluqli boʻlgan xatlar, yozishmalar kiradi. — OʻTA

7. Satr, misra.

Bilish uchun har qaysi sheʼrdan bir-ikki xat oʻqib koʻrish kerak edi. — A. Qahhor, Sarob

ot Ukraina, Belorussiya va Janubiy Rossiya qishloqlaridagi dehqonlar yashaydigan uy.

Unda xatamiz huv daryo burilgan joyda, oʻrmon yoqasida edi. — R. Fayziy, Kishilarimiz qissasi

Xatalardan birida tunni oʻtkazdik. — Sharq yulduzi

Xususiy aksiyadorlik tijorat banki

sft. 1. Hisoblash, yozish, oʻqish, soʻzlash va shu kabilarda adashish, yanglishish, notoʻgʻrilik, qusur.

Imloviy xato. Matematik xato.

2. Umuman, turmushda, ishda yoʻl qoʻyilgan kamchilik, nuqson, notoʻgʻri xatti-harakat.

Dushman siringni oʻgʻirlaydi, Doʻst xatongni toʻgʻrilaydi. — Maqol

Ammo muhabbat juda noyob narsa, bu yoʻldagi xatoni hech kechirib boʻlmaydi! — Mirmuhsin, Umid

3. Haqiqatga toʻgʻri kelmaydigan, asossiz, notoʻgʻri.

Xato yozmoq. Xato hisoblamoq. Xato soʻzlamoq.

Joʻrttaga xato oʻqib, oʻzing kuldirding Oʻqi, Raʼno. — A. Qodiriy, Mehrobdan chayon

4. q.x. Yerdan chiqmay yoki unmay qolgan urugʻ haqida.

Yaxshi ishlanmagan yerga ekilgan urugʻ xato chiqadi.

5. Moʻljalga, nishonga tegmaslik.

Oʻq xato ketdi.

Hech qaysisining otgani xato ketmas edi, hech bir dushman omon ketmas edi. — Alpomish

ot 1. Biror baxtsizlikka, falokatga olib kelishi mumkin boʻlgan sharoit.

Bu yerda bir xatar bor. Yolgʻon aytgan kishining Xatari bor ishining. — Maqol

Avval men sizdan minnatdor boʻlishim kerak Siz tufayli koʻp qatorida men ham bir xatardan qutulib qolganman. — H. Nazir, Soʻnmas chaqmoqlar

2. Xatarli, xavfli, tahlikali.

Dushmanning biri ham xatar. — Maqol

Ammo biri ketsa, badtari keldi, Yangi ochkoʻzlarning xatari keldi. — M. Shayxzoda