Изоҳли луғат
· яна 8 та луғатда
от Нимадир қилиш-қилмасликка берилган сўз.
Қуруқ ваъда.
Ваъда осон, лекин гап ваъдага вафода. — Ойбек, Олтин водийдан шабадалар
Тўқсонов жўнаётганида, муаллимни алмаш-тириш тўғрисидаги ваъдаси билан Тожибойни қаттиқ ишонтириб кетган эди. — П. Турсун, Ўқитувчи
Ўрмонжонга, Бўтабойга, Канизакка кўпдан-кўп салом айтди ва Қўшчинор га шу ҳафта ичи, яъни ваъдасидан бурунроқ боришини айтди. — А. Қаҳҳор, Қўшчинор чироқлари
- Ваъда бермоқ Ғуломжон кечқурун келишга ваъда бериб, Олга Петровна билан чиқиб кетди. — М. Исмоилий, Фарғона тонг отгунча
- Ваъда олмоқ Бирор ишнинг, мажбуриятнинг бажарилиши ҳақида сўз олмоқ. [Юсуфбек ҳожи Зайнабга:] Жуда тўғри гапирдинг, болам, сендан олган ваъдани ундан [Кумушдан] ҳам оламиз. — А. Қодирий, Ўтган кунлар
- Ваъда қилмоқ 1. Бирор ишни, вазифани адо этиш ҳақида мажбурият олмоқ, сўз бермоқ. Хафа бўлманг, опа, мен уни унутишга ваъда беролмайман. — Ў. Ҳошимов, Қалбингга қулоқ солФотима ваъда қилинган гапни кутар, Элмурод эса, нимадан, қандай бошлашни билмай, мувофиқроқ сўз қидирар эди. — П. Турсун, Ўқитувчи
- Ваъдага вафо қилмоқ
- Ваъдани бузмоқ Лафзини ютмоқ, берган сўзидан, ваъдасидан қайтмоқ.
- Ваъданинг устидан чиқмоқ Ваъдамизнинг устидан чиқмасак, ҳамқишлоқларга қайси юз билан қараймиз. — Р. Файзий, Чўлга баҳор келди