Қидирув

сфт. 1. Монанд ҳолатли; мос, мутаносиб, муносиб; ҳамоҳанг.

Тиниқ юзларингга севгинг ҳам уйғун — Г. Жўраева

Баҳор уйғонар, Шовуллайди боғ. Уйғун туйғулар Уйғонар бу чоғ. — Т. Қаҳҳор, Оқ ўрик

Атласнинг ёрқин безаклари чаманларга бурканган Ўзбекистон табиати фонига айниқса уйғун тушади. — Фан ва турмуш

2. Уйғун (эркаклар исми).

от Мутаносиб, мос ҳолат; мутаносиблик, ҳамоҳанглик.

У овозини баланд кўтармай, хиргойи даражасига ҳам туширмай, ажойиб бир уйғунликда айтаётир. — М. Исмоилий, Фарғона тонг отгунча

Назаримда, Жўра-хон билан сайроқи жўрлар ва яшноқ табиат ўртасида уйғунлик бордек туйилди. — Назармат, Жўрлар баланд сайрайди

от Уйғон эмаслик, номутаносиблик.

фл. Бир-бирига монанд бўлмоқ, мос, мутаносиб бўлмоқ, ҳамоҳанг бўлмоқ.

Ҳеч бўлмаса, саройлар, клублар, маъмурий бинолар қурилишида замонавий усул билан қадимий шарқ услуби уйғунлашиб кеца яхши бўларди. — Ў. Ҳошимов, Қалбингга қулоқ сол

Баъзи қўшиқларда қўшиқ шеърига мусиқа, баъзиларида эса мусиқага шеър уйғунлашмайди. — Газетадан

Гармонизация

фл. Уйғунлашмоқ феълининг орттирма нисбати.