Қидирув

сфт. 1. кт. 1 Бирор жойдан, масалан, ернинг сатҳидан анча пастга — чуқурликка ўтиб кирган ёки анча пастдан — чуқурликдан бошланадиган; чуқур, чўнқир.

Ернинг теран қатламлари. Теран дарё. Теран қудуқ. Теран булоқ.

Унинг [М. Қосимовнинг] қиёфаси ва юриш-туришига саҳро сокинлиги, теран қатламлардан нам юқи топиб аста сўрадиган чайир саксовул томирларининг тўзимлилиги асар қилганга ўхшарди. — А. Мухтор, Давр менинг тақдиримда

2. кўчма Мазмун-моҳият жиҳатидан кенг қамровли, чуқур, кучли.

Теран фикр. Романнинг теран мазмуни.

Оналар, фақат масъуд оналаргина гўдак йиғисидаги теран маъноларни англай олиши мумкин. — Э. Охунова, Ҳаёт гуллари

Икки кўзим сенинг ёʻлинг-да, Ўзим теран хаёлга ботдим. — Ғ. Шоди

Қалбимни аллақандай тиниқ, теран бир мунг чулғаб олди. — О. Ёқубов, Ялайман

Халқ ҳаётини ғоятда теран тасвирлай билиш муаллифдан катта истеъдод талаб этади. — Газетадан

от Теран ҳолат, теран ҳолатга эгалик.

Денгиз тубининг теранлиги. Ғоянинг теранлиги.

Портрет асарлари характерининг ёрқинлиги, қаҳрамон ҳиссининг теранлиги билан чегараланиб қолмайди. — А. Умаров, Портрет — даврнинг ёрқин ифодаси

Уларнинг бу китоблари фикрининг теранлиги, соддалиги ва баён услубининг равонлиги жиҳатидан илмий-оммабоп адабиётнинг энг яхши намуналаридан қолишмайди. — Фан ва турмуш

фл. Теранлик касб этмоқ.

Ҳаяжон ва қалб зарбаларининг эстетик функсияси, моҳияти ортди, айтиш мумкинки, теран ақл ва ижтимоий маъно билан теранлашди. — ЎТА

Адабиёт ҳафталиги сингари яхши анъана туфайли ғоят чуқур, кўҳна қардошлигимиз янада теранлашди. — Газетадан

Ёш улғайган сари одамнинг хаёл денгизи теранлаша ва кенгая боради. — М. Қўшжонов, Дийдор

фл. Теранлашмоқ феълининг орттирма нисбати.

фл. Теранлаштирмоқ феълининг мажҳул нисбати.

погов. здоровье — бесценное богатство, здоровье всего дороже