Поиск

ot Hurmat-ehtirom va eʼzoz-ikrom bilan qilingan muomala, mulozamat.

Takalluf bilan qarshi olmoq.

Men sizning koʻrpachangizda koʻp oʻltirganman, endi menga ortiqcha takallufingizning hojati yoʻq. — A. Qodiriy, Oʻtgan kunlar

Qiz ortiq takalluf kutib turolmadi, toʻgʻri eshikni ochib, ichkariga kirdi, oʻzini Poʻlatjonga qarab otdi. — Oydin, Asl yor

sft. Takallufni oʻrniga qoʻyuvchi, sertakalluf; takalluf ifodalovchi.

Takallufli mezbon.

Nigora qoʻrqqanidan takallufli jilmaydi: — Qoplon, Qoplon, axir biz sen bilan tanishmiz-ku! — S. Anorboyev, Oqsoy

n ceremonies, formality

sft. Tortinmasdan, takalluf kutmasdan; betakalluf.

Maqsad: mundan keyin ham menga kechagi Anvar kabi takallufsiz muomalada boʻlishlaringiz va hurmatlar bilan meni ranjitmasliklaringizdir. — A. Qodiriy, Mehrobdan chayon

Doʻst-mat takallufsiz, ortiq qistatmay, ichkari kirdi. — H. Shams, Dushman

ot Takallufsiz qilingan ish, harakat, muomala; ish, muomaladagi shunday ifoda.

— Xoʻjayin, — odatdagicha takallufsizlik bilan dedi u, — bu kun bir talay ish qildik. Qaynatangiznikidan kelgan yigit juda yaxshi ishladi. — Oybek, Tanlangan asarlar

Qizimning boqishi-da, gap ohangida jinday takallufsizlik sezilib turardi. — E. Usmonov, Yolqin

sft. Ortiqcha mulozamatni yoqtirmaydigan yoki ana shunday mulozamat qilishni bilmaydigan; kamsuqum; ortiqcha takallufdan, mulozamatdan xoli.

Betakalluf odam,

Bular orasidagi betakalluf muomala va munosabatga odamlar oʻrganib qoldi. — A. Qahhor, Qoʻshchinor chiroqlari

Habib bu yigitlar bilan betakalluf koʻrishib chiqdi. — H. Ahmar, Kim haq?

Chol betakallufgina chordana qurib oʻtirdi-da, xotini quyib uzatgan achchiq pamil choyni puflab icha boshladi. — H. Gʻulom, Feruza