Qidiruv

ot 1. Kiyim, gʻilof va shu kabilarning chetiga qadaladigan, odatda toʻgarak shaklidagi tutqich.

Sadaf tugma. Koʻylak tugma-si. Tugma qadamoq.

Havo hali isimagan boʻlsa ham, xomsemiz hokim formasining koʻkrak tugmalarini yechib tashlab, yelpinishga tutindi. — M. Ismoiliy, Fargʻona tong otguncha

Kiyimga qadaladigan tugma tez uzilib ketmasin desangiz, uni shamga ishqab olingan ipda tiking. — Gazetadan

2. Ulagich, knopka.

Qudrat qoʻngʻiroq tugmasini bosdi. — M. Ismoiliy, Fargʻona tong otguncha

Sattor liftning pastga olib tushadigan tugmasini bosmoqchi edi — P. Qodirov, Erk

Hamshira chiqib ketgach, Ahmedov stolining burchagidagi tugmasini bosdi. — H. Nuʼmon, Fasllar

sft. Tugmasi bor, tugma qadaladigan.

Atlas koʻylak enini Tugmali qil yengini. — Qoʻshiqlar

ot Kichkina tugma.

Sadaf tugmacha. Koʻylak tugmachasi.

Koʻchada yotgan eski taqa, zanglagan mix, tugmacha, shunga oʻxshash balo-battarga koʻzi tushsa, darrov olar edi. — Oybek, Tanlangan asarlar

sft. Koʻp tugma qadalgan; sertugma.

Birinchisining ustida zarbof chopon, belini oltin kamar bilan bogʻlagan, boshqasi esa oddiy tugmador kamzul, boshiga popoq, oyogʻiga qoʻpol sagʻri etik kiygan edi. — M. Osim, Zulmat ichra nur

ot ayn. Tugmachagul.

ot Zaharli oʻt.