Қидирув

от 1. Суюқлик, газ, буғ ва шу кабиларни ўтказиш учун ясалган, одат-да, доиравий кесимли, узун, ичи кавак маҳсулот.

Сопол труба. Чўян труба. Водопровод трубаси.

Стансия шаҳарнинг ўртасида эди. Тўрт томонда баланд-баланд трубалардан қуюқ қора тутун буруқсиб чиқиб, кўкка интилмоқда. — И. Раҳим, Чин муҳаббат

2. мус. Баланд очиқ товуш чиқарадиган пуфлама мусиқа асбоби.

Труба чалмоқ.

Труба — мис духовой [пуфлама] асбоблар тўдасида энг баланд (юқори), очиқ ва равшан товуш берадиган асбоб. — И. Акбаров, Музика саводи

от 1. Ингичка труба, найча.

Резина трубка.

2. махс. Чўзиқ труба шаклидаги турли асбоблар номи.

Рентген трубкаси. Телевизорнинг электрон-нур трубкаси.

— Кули синганга ҳам трубка қўядими? — деди мураббия Аҳмадга қарз. Ойдин, — Болалик уйда ғийбат ёʻқ

3. Телефон аппаратининг эшитиш ва сўзлаш учун хизмат қиладиган қисми.

[Нодиржон] Телефон жиринглаши билан чўчиб кетди, апил-тапил трубкани олиб, қулоғига тутди. — А. Муҳиддин, Чап чўнтак

4. Бир томони тамаки солинадиган кичик косачага, иккинчи томони муштукка уланган ичи бўш найчадан иборат чекиш асбоби.

Чол эса индамади-ю трубкасини чу-қур тортиб қўйди. — М. Маҳмудов, Мангу куй излаб

от Театр ёки сирк артистлари жамоаси.

Балет труппаси.

Ўша вақтда Қўқонга гастролга келган ҳар хил труппалар рус, татар, озарбайжон тилларида спектакллар кўрсатар, от ўйин — сирк томошалари бўлиб турарди. — ЎТА

1927 йилда Самарқандда ташкил топган Кўк кўйлак труппасига Манас Левиевни ҳам қабул қилдилар. — Газетадан

от Труба чалувчи созанда ёки сигналчи.

Икки ўртоқ бир қўлига қадаҳ, иккинчи қўлига мезбон хотин янгигина олиб келган кабобдан олиб, энди винони ярмигача шимирган эди, полк трубачиси тревога чалиб қолди. — Шуҳрат, Шинелли йиллар

от Узоқ масофага суюқлик, газ ёки қаттиқ материалларни қувурлар орқали етказиб берадиган иншоот ёки иншоотлар мажмуи.

Табиий газнинг дастлабки миллион кубометрлари трубопровод магистралига оқизилмоқда. — Газетадан

от Трубопровод ўтказувчи, уни таъмирловчи шахс, мутахассис.