fl. 1. Tizmoq 1 feʼlining majhul nisbati.
Marvarid donalari ipga tizildi. Tokchalarga tizilgan olma, anorlar.
Endi otishmalar yaqqol eshitilibgina qolmay, yon-verimizga oʻq yogʻilar, iz qoldiruvchi oʻqlar marjondek tizilib uchardi. — A. Ubaydullayev, Qonli izdan
Sahna oldiga tizilgan skameykalarni turli tashkilot va maktablardan kelgan vakillar va boshqa mehmonlar toʻldirgan. — P. Tursun, Oʻqituvchi
2. Tizmoq 2 feʼlining oʻzlik nisbati.
Soldatlar safga tizildi. Qaldirgʻochlar elektr simiga tizilib oʻtirishibdi.
Mayin esayotgan shamol uning [Saodatning] betidan marvarid donalari singari tizilib yotgan terlarni yalab ketdi. — N. Safarov, Saodatning qissasi
Yoʻlda, terakzorda mashinalar, mototsikllar, otlar, velosipedlar tizilibdi. — H. Gʻulom Senga intilaman
3. koʻchma Birin-ketin gavdalanmoq, koʻrinmoq, qatorlashib oʻtmoq.
Kambagʻal eri bilan koʻrgan kunlar, besh bola bilan beva qolib tortgan azob-uqubatlari koʻz oʻngidan bir-bir tizilib oʻtdi. H. Nuʼmon va — A. Shorahmedov, Ota
4. shv. Tomoq yoki ichakdan tiqilib oʻtmoq, toʻxtab qolganday tuyulmoq.
Haligi ovqat koʻkragimda tizilib turibdi.
Sensiz oʻtmas, hatto suv ham tizilar! Kulib goho, nazar solmasang boʻlmas! — S. Abdulla, Tohir va Zuhra
- Koʻzda(n) yoshi tizildi Koʻzdan toʻxtovsiz yosh oqa boshladi, koʻzdan duv-duv yosh oqdi. Yolgʻizligim sezildi, Koʻzda yoshim tizildi, Yurak-bagʻrim ezildi, Kelmaysanmi, Xadicham. — Qoʻshiqlar