ot 1. 1 Odam va hayvon tanasining tashqi qoplami, tana aʼzolarini tashqi taʼsirlardan himoya qiluvchi va turli fiziologik vazifalarni bajaradigan poʻsti.
Teri kasalliklari. Quyonning terisini shilmoq.
Tortqilaganda, uloqning terisi ayrilib ketmaydi. Boʻlmasa, tort-tortda uloq butun qoladimi! — T. Murod, Ot kishnagan oqshom
2. Molning, hayvonning shilib olingan poʻsti.
Shu yerda ishlaydigan odamlardan biri, yoʻqchilik vajidan, bir kuni bola-chaqasi bilan otning terisidan shoʻrva qilib ichibdi. — A. Qahhor, Millatchilar
Xon borib, arslon terisiga oʻtirdi, Arslonbekni oʻzining oʻng tomoniga oldi. — A. Qodiriy, Mehrobdan chayon
3. Mol poʻstidan maxsus ishlov berib tayyorlangan material; charm, koʻn.
[Shokir ota] Teriga suv purkaydi va koʻva bilan doʻq-doʻq urib, charmni tekislaydi. — Oybek, Tanlangan asarlar
Uyda bir oz teri bor. Ammo tagcharm yoʻq. — Oybek, Tanlangan asarlar
4. kam qoʻll. Poʻst, poʻchoq.
Terisi qalin qovun.
Bogʻdagi anorlar terisiga sigʻmay, tars-tars yoriladi. — Yo. Shukurov, Uch savol
- Bir terining ichida qoʻy necha ozib, necha marta semiradi Kishi hayotida necha xil oʻzgarishlarga, yaxshi-yomon holatlarga tushishi mumkinligini qayd etuvchi ibora. — Bir terining ichida qoʻy necha ozib, necha marta semiradi, — dedi salmoqlab boy, — kishining boshiga yomon kunlar ham tushishi mumkin. — Oybek, Tanlangan asarlar
- Terisi yupqa Uncha-muncha gapni koʻtara olmaydigan. Himm, terisi yupqa ayol emasmi, shu gap baho-na boʻlibdi-yu, Meni boʻshatib, qoloq brigadaga yuborasizlar, deb turib olibdi. — N. Safarov, Katta karvon yoʻlda
- Terisi qalin Uncha-muncha gap kor qilmaydigan, beti qattiq. Terisi qalin kassir esa: — Eplasang sen ham qil, — deb boʻzrayib turaverdi. — Mushtum
- Terisiga sigʻmaslik Nihoyatda xursand boʻlmoq. Elchibek bu xabardan terisiga sigʻmay ketdi. Har holda, dastlabki gʻalaba. — A. Muxtor, TugilishQuvonch bilan qoʻl berib soʻrashdi. Terimga sigʻmay ketdim. — Oydin, Hikoyalar
- Terisiga (yoki terisini shilib) somon tiqmoq Nihoyatda qattiq jazolamoq. Yaxshiki, boyagi gaplaringizni oʻgʻlim eshitmadi, yoʻqsa, teringizga somon tiqqan boʻlar edi — M. Osim, Ajdodlarimiz qissasiMenga doʻppisi emas, oʻzi kerak. Oʻzini tiriklay tutib kel! Terisini shilib, somon tiqmagunimcha xumordan chiqmayman. — N. Safarov, Koʻrgan-kechirganlarim
- Terisini shilmoq (yoki shilib olmoq) Bor-yoʻgʻini qoqlab olmoq, hamma narsasini tortib olmoq. Uning [Musulmonqulning] oʻz kayficha oyda emas, haftada solib turgan soliqlari fuqaroning terisini shilsa ostirib, kestirib turishi xosni ham esankiratdi. — A. Qodiriy, Oʻtgan kunlar