Поиск

ot 1. Biror narsaning haqligi, toʻgʻriligi yoki maʼqulligini tan oluvchi soʻz, imo-ishora kabilar; maʼqullash, toʻgʻri deb bilish.

Akbarov unga tasdiq maʼnosida bosh irgʻab, Mahkamga gapirishda davom etdi. — P. Qodirov, Uch ildiz

Usta Olim tasdiq ishorasini berib: — Soʻzlay beringiz! — dedi. — A. Qodiriy, Oʻtgan kunlar

Bolalardan tasdiq javobini olgach, poʻpisa qildi — S. Karomatov, Oltin qum

2. Toʻgʻri, haqiqat ekanlikni qayd etuvchi narsa, fakt; isbot.

Xalq demokratiyasi mamlakatlari bilan doʻstlik, hamkorlik mustahkamlanganligi baynalmilalchilik gʻoyalarining amaliy tasdigʻidir. — Gazetadan

3. Maʼqullanganlik haqidagi rasmiy qayd, qaror.

Loyihani tasdiqdan oʻtkazmoq.

Mana bu — boʻlimning butun tasdiqlardan oʻtgan tematik plani. — S. Karomatov, Oltin qum

4. Inkorga zid mazmunli.

Tasdiq gap.

Kesimi inkor shaklida boʻlib, tarkibida qandoq, nima, ozmuncha soʻzlari ishtirok etgan gaplar tasdiq fikrni ifodalaydi. — OʻTA

certify, conformation, acknowledgement, conformation note, ratification, affirma-

ot Tasdiq xati.

certify, confirm, acknowledge

fl. 1. Qaror bilan yoki qoʻl qoʻyib, muhr bosib, qonuniy kuchga kiritmoq.

Hukumat loyihani tasdiqladi. Direktor shartnomani tasdiqladi. Kotiba imzoni tasdiqladi.

Buyruqni dastlab boshqarma, soʻngra ministrlik biron-bir eʼtirozsiz tasdiqladi. — Yoshlik

rektorat ham uning ikkita imtihondan qarzi borligini hisobga olib, bu qarorni tasdiqlagandi. — Oʻ. Hoshimov, Qalbingga quloq sol

2. Biror ish, harakat, gʻoya va shu kabilarni toʻgʻri deb topmoq, maʼqullamoq, tasdiq etmoq.

— Ota, bular choʻpon emas! — dedi Badia. Bu gapni Zulfiqor ham, Zavrak ham tasdiqladi. — Mirmuhsin, Meʼmor

— Ha, barakalla, — Qudrat kallasini tebratib tasdiqladi. — M. Ismoiliy, Fargʻona tong otguncha

3. Toʻgʻriligidan dalolat bermoq, isbotlamoq.

Bu fakt fikrimizni tasdiqlaydi.

— Materialni tasdiqlovchi hujjatlaringiz bormi? — deb soʻradi. — Mushtum

Uning fikrlari haqligini hujjatlar tasdiqlab turibdi. — Gazetadan

certified, witnessed