ot
1.
Tushuntirish uchun yoki asos, dalil, isbot va shu kabilar sifatida keltirilgan ayrim namuna; misol.
Yana timsol: goʻzal adabiyot — ruhiy oziq. — A. Qahhor, Sarob
Hamjihatlik va haqiqiy birodarlikni hozirgi kunlarda poy-taxtimizda amalga oshirilayotgan buyuk ishlar timsolida ham koʻrib turibmiz. — N. Safarov, Olovli izlar
2.
Ibrat boʻla oladigan kimsa, narsa; oʻrnak.
Doʻstlikning timsoli azali sensan, Shoirlar ilhomi, gʻazali sensan. — M. Ikrom
Zamonamiz maʼrifatin, donishmandligin Timsolidir ikki qoʻshni respublikamiz. — Gʻ. Gʻulom
Suq bilan qarasa, hech ajab emas, Chunki sen hurlikning yorqin timsoli. — Zulfiya
3.
Belgi, ramz.
Shoda-shoda koʻsakda gavhar yotibdi Tinchligimiz timsoli kaptar yotibdi. — Yo. Mirzo
Oloviddin tepaliklarida qurilayotgan dengiz — xalqlar doʻstligining timsoli boʻlib qoladi. — Oʻzbekiston qoʻriqlari
4.
Koʻz oʻngida, xayolda, tasavvurda gavdalangan obraz, siymo, koʻrinish, sifat.
Oromim ham yoʻqoldi. Kechalari uxlayolmay, toʻlgʻanib chiqa boshladim. Sal mizgʻidimmi, bas, yana koʻz oldimda Yoqutxonning timsoli gavdalanadi. — M. Salom, Kechirim
Qalblarga timsoling oʻrnat, ey baxshi, Menga ham kuylashni oʻrgat, ey baxshi. — X. Saloh, Izlar va hislar
