от 1. Шод-хуррамлик, тантана.
Байрам шодиёнаси. Ғалабага бағишланган шодиёна.
Зуҳра тўйга кўнмади, деб бўлманг танг, Тўй бошлансин, шодиёна бошлансин — С. Абдулла, Тоҳир ва Зуҳра
Бу тантана сендек фарзанди билан фахрланган элнинг шодиёнасидир. — Э. Раҳим, Янги қадам
Файзиёб сентябрь оқшомларининг бири. Боғларда, зумрад далаларда меҳнат шодиёнаси, қизларнинг дилрабо ялласи авжида. — Э. Охунова, Қадрингни бил, дугонам!
2. сфт. Шод-хуррамлик ёки тантана билан ўтадиган (ўтган, ўтаётган).
Шодиёна туй.
У бу уйдаги, қишлоқ аёллари таърифлаган шодиёна учрашувлар, мароқли суҳбатлар хаёли билан маст бўлиб юрган эди. — Ҳ. Ғулом, Машъал
Шу пештоқлар, шу иморатлар Қад кўтаргай йиллардан буён, Мана шундай шодиёна дамни Кўрган-билган эмас ҳеч қачон! — Э. Раҳим
Бирдан пастдан, тоғ қазувчилар манзилидан шодиёна қичқириқлар кўтарилди. — М. Исмоилий, Фарғона тонг отгунча
3. от кам қўлл. Хушхабар келтирган кишига бериладиган инъом, совға; суюнчи.