Қидирув

от Ўзига хос хусусиятлари билан бошқалардан ажралиб турувчи муайян шахс; шахснинг ўзлигини белгиловчи томонлари, хусусиятлари мажмуи; ўзлик, ким эканлик.

Шахсияти номаълум одам,

Санъаткорнинг ички дунёси мураккаб ижодий шахсияти алоҳида сезгир, ҳаётни тушуниш билан ўткирлашгандир. — Газетадан

Бу тасвирлар орқали қисман авторнинг истеҳзоли, ақлли, ҳамма нарсага тўғри баҳо берувчи ва юморни сезувчи шахсияти ҳам гавдаланади. — ЎТА

Отахон шоирларимиз болалар қалби ва психологиясини, маънавиятини очиш орқали уларнинг бетакрор шахсиятини улуғладилар. — Фан ва турмуш

от с. т. Шахсиятпарастликка мойил одам.

сфт. Ўз шахсиятини, қадр-қимматини бошқалардан юқори қўядиган; фақат ўз манфаатини ўйлаб иш тутадиган; худбин, эгоист.

Бу шахсиятпараст ваҳшийлар фақат ўзларини ўйлайдилар шахсий ўчларики олсалар, шу бас! — К. Яшин, Ҳамза

от 1. Фақат ўз манфаатини, шахсиятини кўзлаб иш тутиш.

Хуллас, ана шу шахсиятпарастлик, яна аниқроғи, молпарастлик томонларини ҳисобга олмаганда, Карим анча мулоҳазали, касбига пишиққина йигит эди. — С. Кароматов, Олтин қум

2. Шахсиятпараст эканлик.

У Санамнинг макрига учади, уйланмоқчи бўлади-ю, бу борада қизнинг ўта тантиқлиги, шахсиятпарастлигини сезиб қолади. — Ҳ. Ғулом, Замин юлдузлари