Поиск

ot Qarchigʻaylar oilasiga mansub yirtqich qush; sariqsor.

Sorlarning ikki turi Xalqaro tabiatni muhofaza qilish ittifoqining Qizil kitobiga kiritilgan. — OʻzME

Qor betiga chiqsa, darhol tulki-yu sor qushlarga yem boʻladigan koʻrsichqonlar [kabel] simlarni yemirib tashlagan ekan. — Sh. Xolmirzayev, Saylanma

fl. 1. Lablarga qoʻyib yoki lab orasiga olib, siqib ichga tortmoq.

Anorning suvini soʻrmoq. Javzo kirmay, rovoch suvini soʻr. — Maqol

2. Shu yoʻsinda ovqatlanmoq, emmoq (bola haqida).

Ona koʻkragini soʻrib yotmoq.

3. Damiga tortib olmoq. Nasos suvni soʻrib oladi.

4. Umuman, tortib olmoq.

Kuz oftobi ertalabdan oqshomgi yomgʻir zahrini soʻra boshladi. — Y. Shamsharov, Kumush piyola

Tepaga koʻtarilgan quyosh oʻtli tili bilan yer bagʻridagi barcha namni soʻrib olardi. — Sh. Rashidov, Boʻrondan kuchli

5. Tirik organizmlarning suvini, shirasini, qonini maxsus aʼzolari yordamida tortib ichmoq (hasharotlar, qush va hayvonlar haqida).

Kapalak gul suvini soʻradi. Zuluk qon soʻradi.

Yosh oʻrgimchaklar onasining har tomonidan qon suyuqligini soʻraveradi. — Fan va turmush

6. Ogʻizga olib va tupuk bilan hoʻllab, selini til va tanglay harakati bilan asta-sekin ichga yutmoq; shimmoq.

Konfet soʻrmoq.

— Biz dehqon odammiz, Saidqul, — dedi u. — Siz u — ayollar bilan koʻp gaplashib, oz tanovul qilib, keyin gazagiga qand soʻradigan. — M. M. Doʻst, Lolazor

7. koʻchma Zoʻrlik yoki aldov bilan birovning kuchidan, mehnatidan, boyligidan foydalanmoq; ekspluatatsiya qilmoq.

[Zuhra:] Sigirning qulogʻiga tushgan kanaday erni soʻrib yotish ham yaxshi kasb! — A. Qahhor, Ogʻriq tishlar

8. Chekmoq, tortmoq.

Chilim soʻrmoq.

Bektemir maxorka oʻrab, jimgina soʻra boshladi. — Oybek, Quyosh qoraymas

ot 1. Tok, qovoq va shu kabilar chirmashuvchi oʻsimliklarni oʻstirish, koʻtarib qoʻyish uchun shiypon shaklida, tik yoki qiya qilib koʻtarilgan moslama, qurilma.

Toklarni soʻriga olmoq.

Tokni soʻrida oʻstirish usuli xalq tajribasi asosida vujudga kelgan. — OʻzME

2. Narsa qoʻyish, yoyish uchun qurilgan, toʻrt oyoqqa oʻrnatilgan taxta supa.

Inkubatorlar uchun joy tayyorlash, pillaxonalarni remont qilish, yoqilgʻi jamgʻarish, binolarni dezinfeksiyalash, soʻkchaklar va soʻrilar hozirlash ishlari avj olib ketdi. — Gazetadan

3. shv. Katta taxta karavot.

Hali barg yoz-may, bezrayib turgan ikki tup sada tagidagi choyxona soʻrilarida odam koʻp. — S. Ahmad, Hukm

Shiyponning soʻrisi bitdi-yu, tomi yopiqsiz qoldi. — Sharq yulduzi

Iskandar esa beixtiyor soʻri panjarasiga ogʻir suyanib, oʻzi sezmagan holda, togʻ agʻdargan odamdek chuqur tinoldi. — M. Mansurov, Yombi

ot 1. Molning, mahsulotning muayyan sifat-belgilarga ega boʻlgan kategoriyasi, navi; nav.

Birinchi sort paxta. Uchinchi sort gazmol.

2. esk. q. Nav.

Paxtaning yangi sortlarini yetishtirmoq.

Barcha mahsulotning 28 foizi birinchi sortga qabul qilindi. — Gazetadan

ntib. infusion, extract, tincture

ot 1. Savol, soʻrov.

Soʻroq bermoq. Soʻroq ohangi. Soʻroq gap.

Kechir, Zaynab, ojizdir Omon, Bu soʻrogʻing jon oʻrtar yomon. — H. Olimjon, Tanlangan asarlar

Nega?, deysan, tushunmaysan, oʻz soʻrogʻingning Javobini yuragingdan tinglab koʻrasan. — Gʻ. Gʻulom, Tanlangan asarlar

2. huq. Shaxsdan koʻrsatuv va tushuntiruv olish vositasi.

Soʻroq bermoq. Soʻroq qilmoq.

Soʻroq vaqtida qiynoqqa solish, zoʻravonlik, shafqatsizlik yoki inson shaʼni va qadr-qimmatini kamsituvchi boshqa tarzdagi tazyiqqa duchor etish jinoyat hisoblanadi. — OʻzME

3. ayn. Soʻrov 4.

Axir, ular saylovchi xalq-da! Ularning soʻrogʻiga, talabiga toʻla javob berish kerak-da. — Oydin, Sadagʻang boʻlay, komandir.