Qidiruv

ot Natija, hosila, foyda.

Fidoyilik bilan qilingan mehnat oʻz samarasini koʻrsatdi: moʻl hosil yetishtirildi. — Gazetadan

Quyosh energiyasidan foydalanish xalq xoʻjaligiga juda katta iqtisodiy samara beradi. — Gazetadan

Har bir ish nihoyasiga yetgandagina goʻzal samara beradi. — H. Gʻulom, Mashʼal

sft. ayn. Samarador.

Samarali ish. Samarali mehnat.

Yozning har bir kunidan samarali foydalanib, parvarishni har tomonlama kuchaytirmoq darkor. — Gazetadan

Bahrom, bugun samarali ishlaganidan ruhi koʻtarilib, yengil kayfiyat bilan yoʻlga chiqdi. — H. Olimjonov, Taqdir taqozosi

sft. Katta samara, foyda keltiradigan, sermahsul; yaxshi natija beradigan.

Kino, teatr singari sanʼat turlari orasida adabiyot ham yoshlarni tarbiyalashda eng faol va samarador omillardan biridir. — Fan va turmush

ot Samara shahrida yashovchi shaxs.

sft. Samara bermaydigan, foydasiz, besamar; natijasiz, behuda.

Samarasiz ish. Samarasiz harakat.

Samarasiz oʻtmas shoirning umri, Toza yuraklar-da soʻz koni qolar. — S. Akbariy, Mehrigiyo

ot Samarali, foydali boʻlishlik; foydalilik.

Iqtisodiy samaradorlik.

Chorvachilikni industrlash mehnat samaradorligini ancha oshirish imkonini beradi. — Gazetadan