от 1. тар. Бирор касбга, соҳага ва унинг тартиб-қоидаларига оид китобча, ёʻриқнома, низомнома.
Темирчилар рисоласи. Кўнчилар рисоласи.
Мискарлар, тунукасозлар кўп антиқа гапларни, ҳар қайсилари ўзларининг рисолаларини яхши биладилар. — Ойбек, Болалик
2. Айрим масалаларга бағишланган илмий асар, китоб.
[Восифий:] Рост айтдингиз, шайх Баҳлул! Яхши ном китобнинг ҳусни турур. Китобхон рисоланинг номиға қараб сотиб олур, мазмуниға қараб баҳо берур. — М. Осим, Зулмат ичра нур
Бахтиёр ҳаётнинг рисоласига Дебоча бўлолгай албатта фарзанд. — С. Абдулла
3. Кичик ҳажмли китоб, брошюра.
Лотин алифбоси ҳақида рисола. Одоб-ахлоқ ҳақида кичик рисолалар сотувда кўп.
- Рисолага тўғри келмаслик Талаб, меъёрга жавоб бермаслик, белгиланган тартибга мувофиқ бўлмаслик. Лекин таклиф илгарироқ манзират қилинган, бюродаги торти-шувдан сўнг эса рад этиш рисолага сира тўғри келмасди. — Ж. Абдуллахонов, Хонадон
- Рисоладаги(дек) Рисолада кўрсатилганига жуда мос; талабга, меъёрга жавоб берадиган даражада, ҳақиқий, расмана. Қорачадан келган эпчил Маҳкамбой ака маслаҳат ошлари тепасида тургани учун, ҳар бир тўй ва маърака рисоладагидек ўтарди. — М. Осим, Тилсиз гувоҳ[Директор Аъзамга:] Мен қизни суриштирдим. Рисоладаги қиз Қани, тўйни қачон қиламиз. — Шуҳрат, Жаннат қидирганларМўжаз фаввора, шийпон, уйларнинг жойланиши — ҳаммаси рисоладагидек. — Т. Малик, ШайтанатУлар ўзларига берилган топшириқни рисоладагидек ўринлатишга интилишяпти. — Газетадан