Қидирув

от 1. Баъзи орган, ташкилот, идора, жамият ва шу кабиларнинг бошлиғи, раҳбари.

Ашурхон, раиснинг бевақт келишидан чўчиганиданми ё ўзининг гуноҳкорлигини билганиданми, аввал бир оз ўзини ёʻқотган бўлса ҳам, дарров ўнглаб олди. С. — Зуннунова, Олов

Маҳаллий комитет раиси топшириқларни ўз вақтида бажариш учун қанчадан-қанча вақт кетишини ўйлаган эди. — Газетадан

2. Мажлисни бошқарувчи шахс.

Мажлис раиси.

Нутқ давомида раис мажлис аҳлини икки марта тартибга чақирди. — А. Қаҳҳор, Нутқ

3. тар. Диний маросим ва урф-одатларнинг бажарилишини кузатиб борувчи, шунингдек, ўлчов ва тош-тарозиларнинг тўғрилигини текширувчи мансабдор шахс.

Ақлим олган заргар қизи, Муфтий, аълам, раис, қози, Тенгдошларим, хуш қол энди! — Баҳром ва Гуландом

Ўқи! Ҳар қандай қийинчилик билан бўлса-да, ўқи! Лекин қози бўлма! Раис бўлма! Имом бўлма!Агар мударрис бўлсанг, майли. — С. Айний, Эсдаликлар

от 1. Раис аёл.

Колхоз раисаси.

2. Раиса (хотин-қизлар исми).

от эск. кт. Бирор ўлка ёки мамлакатда яшовчи халқ, фуқаро.

Ҳукмдор қанчалик оқил ва одил бўлса, раият, уламо, фузало ҳам ҳақгўйликка юз тутгай. — М. Маҳмудов, Мангу куй излаб

Йиғилган раият пичирлаб гаплашар, ҳамманинг чеҳрасида қандайдир таҳлика ва тараддуд муҳрланган, гўё ҳозир ёмон, мудҳиш воқеа содир бўлғуси эди. — О. Ёқубов, Кўҳна дунё

Хон ҳали ички ўрдадан чиқмаган, ҳамма раият жаноби олийни кутиб, муҳташам дарвозага кўз тиккан эди. — А. Қодирий, Меҳробдан чаён

от Раҳбарлик, бошлиқлик; бош-қарувчилик иши.

Мен маҳалламизнинг қулубига кириб келганимда, орада қизғин бир музокара давом этиб, мажлиснинг раислик лавозиматини муҳтарам Тошпўлат ака адо қилар эди. — А. Қодирий, Кичик асарлар

Оладигани раислик бўлса — олсин. — О. Ёқубов, Эр бошига иш тушса

Ер ислоҳоти ўтказилиш олдидан қишлоқ камбағаллар уюшмаси тузилади ва уюшманинг раислигига Бердибой сайланади. — А. Қодирий, Обид кетмон

от Биргаликда раислик қилувчи.

Ўзбекистон халқ ёзувчиси Тўлепберген Қаипбергенов ва таниқли тожик адиби Масъуд Муллажонов жамоатчилик қўмитасининг раисдошлари этиб сайландилар. — Газетадан

от тар. Раис маҳкамаси, идораси (

Жаноби олий замонларидаги раис қочгандан кейин раисхона таланганда, мен шу даррани олиб, бир ерга яшириб қўйиб эдим. — С. Айний, Қуллар