1. Ҳаммаси бараварига, ёппасига, шиға.
Чигит қийғос ундириб олинди. Ғўза қийғос шоналади.
Нариги қирғоқдаги мевазорларда ўрик, олча, олма, шафтолилар қийғос гуллаб ётибди. — Ҳ. Ғулом, Машъал
Тангри қачонлардир тилингга эккан Сўзлар гуллаётир қийғос ва қийғос. — Э. Шукур, Ҳамал айвони
2. Айни, авжи.
Мана, қийғос пишиқчилик, лекин ошхоналарда сабзавотдан таомлар тайёрланмайди. — Газетадан
3. шв. Жиддий равишда, қаттиқ.
Ҳа, айтгандай, бир куни Ҳайдар ҳожи билан қийғос уришди. — А. Қаҳҳор, Сароб
4. кам қўлл. Шовқин-сурон, чуввос.
Уйда ҳеч вақт кўрилмаган, ваҳимали бир қийғос кўтарилди. — Ойбек, Танланган асарлар
Кўчадан қийғос ва ғовур-ғувур товуш эшитилиб, эр-хотиннинг суҳбатини тўхтатди. — С. Айний, Қуллар