Izohli lugʻat
· yana 5 ta lugʻatda
ot 1. Bir tigʻli, gʻilof (qin) bilan yonga osiladigan, chopish, sanchish bilan yovga shikast yetkazadigan qurol.
Oʻtkir qilich. Uchi qayrilgan qilich. Qilich yalangʻochlamoq. Qilichni qindan sugʻurmoq. Qilich solmoq. Qilich bilan urmoq.
Mudofelar qoʻllaridagi miltiq, shashvar, oybolta, qilich va nayzalari bilan tizilishib oldilar. — A. Qodiriy, Oʻtgan kunlar
2. Qilich (erkaklar ismi).
- Qilich oʻynatmoq (yoki koʻtarmoq) Qilich bilan tahdid qilmoq. Ot ustida qilich oʻynatgan Toʻxtasin oʻz yigitlari bilan bosib kiradi. K. Yashin va — M. Rahmon, Sirdaryo
- Qilichdan oʻtkazmoq (yoki kechirmoq) Qilich solib oʻldirmoq, qirmoq. Parizodni, xonni ham, Ikki nomard jonni ham Qilichdan oʻtkazmoqqa Hozir edi shul zamon. — H. OlimjonUshbu farmonimizni olgan on, darhol oʻn besh yoshdan to yetmish yoshgacha boʻlgan qipchoq er zotini qilichdan kechirgaylar. — A. Qodiriy, Oʻtgan kunlar
- Qilichidan qon tomadigan Bu yerda Shoʻroga qarshi isyon chiqarish u yoqda tursin, qilichidan qon tomadigan besh-oʻnta maslakdosh ham topilmadi. — H. Gʻulom, Mashʼal